1. Samuel 31:10 - O Debleskro Lab 2024 (Sinte-Manouche)

¹⁰ Oun yon čivan leskro rharo oun leskro vitsepaskro čouri an o kheer, kay lengri debletsa, i Astarte, his. Oun o moulo Saul dan le sasterentsa ap i massouri, hoy hi troul o foro Bet-Shean.

O Debleskro Drom 2021 (Sinte)

¹⁰ Un jon tchiwan leskro charo un leskro witsepaskro tchuri an o kheer, kai lengri debletsa, i Astarte, his. Un o mulo Saul dan le sasterentsa ap i massuri, hoi hi trul o foro Bet-Shean.

1. Samuel 31:10 ပူးပေါင်းရင်းမြစ်များ

Josua 17:11

An kol douy themma Asser oun Issakar his forya čiddo, kolla van o Manasseske dino. Kal forya his: Bet-Shean, Yibleam oun Dor, hoy kharell ninna Nafot-Dor; palle En-Dor, Taanak oun Megiddo. Koy pashel his kol gaba, hoy his troul kal forya čiddo.

Čačepangre 1:27

I morsha dran o kheer Manasse tradan gar i menshen krik dran i forya Bet-Shean, Taanak, Dor, Yibleam oun Megiddo, vitar gar dran i gaba pash kol forya. Yaake ačan i Kanaanitarya an ko them oun djivan kote.

Čačepangre 2:13

Oun yon moukan o baro Debles oun mangan o debles Baal an oun ninna i debletsa Astarte.

1. Samuel 21:9

Oun o David poučas o Ahimelek: “Hi tout kek vitsepaskro čouri, vitar kek rharo kay pash toute? Me lom miro rharo oun vavar kourepaskro koova gar mantsa. Man his kek tsiro koleske. O rayeskro koova hounte djas sik.”

1. Samuel 31:12

kran pen i tsele čače morsha ap o drom, oun djan i tseli rat oun van an Bet-Shean, oun lan o moulo Saules oun leskre moule čaven koy massouri tele, oun anan len an o foro Yabesh pale. Oun kote rhačran le len.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”