1. Samuel 30:8 - O Debleskro Lab 2024 (Sinte-Manouche)

⁸ Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”

O Debleskro Drom 2021 (Sinte)

⁸ Un o David putchas o baro Deblestar un penas: “Lap me kol marepangren palla? Un taprau len me palle?” Un o baro Dewel penas ap leste: “Le len palla! Un tu tapreh len un leh i pandlen dran lengre wasta win!”

1. Samuel 30:8 ပူးပေါင်းရင်းမြစ်များ

1. Mose 14:16

Oun o Abram anas kova pale, hoy čoredo vas, ninna peskro phraleskro čaves, o Lot. Oun leskro koova anas yob pale, ninna i tsele djouvyen oun i tsele menshen.

2. Samuel 5:19

O David poučas o baro Deblestar: “Djap me pral pash kol Filistarya? Kameh len an mire vasta te dell?” Oun o baro Devel penas ap o Davideste: “Dja pral! Me dau kol Filistaryen an tire vasta.”

2. Samuel 5:23

Oun o David poučas o baro Deblestar, oun kova penas: “Tou djas gar pral glan lende. Tou vess palla pral lende oun vess pral lende koy rigyatar, kay i balsamtikre rouka čidde hi.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

2. Mose 15:9

I Egiptarya penan: Las len palla, las len dren! Las menge, hoy lengro hi! Hakenes hi doha koy! Las mare rhare, das len temerl!

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

Čačepangre 8:4

Oun o Gideon vas pash o pani Yordan, oun djas vergel kol 300 (triin sheel) morshentsa, hoy pash leste hi. Oun yon his khino, oun an lende his bouder kek zoor, fothe yon kol Midianarya palla lan.

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

1. Samuel 14:37

Oun o Saul poučas o Debles: “Djap me tele oun lap i Filistaryen palla? Kameh tou len an o Israeleskro vast te dell?” O Devel rakras ko dives gar o Sauleha.

1. Samuel 23:2

Kote poučas o David o baro Deblestar: “Djap me pre ap kol Filistarya?” Oun o baro Devel penas: “Dja ap lende! Tou mareh len oun leh o foro Kehila dran lengre vasta vin.”

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.

1. Samuel 30:18

Oun lauter, hoy i Amalekarya randan, las o David dran lengre vasta pale, ninna peskre douy romyen.

1. Samuel 30:19

Oun či vas krik, kek ternepen oun kek phouro, kek čavo, oun kek čay. Oun kova, hoy yon randan his lauter gomme koy. Oun o David anas lauter pale pale.