1. Samuel 30:27 - O Debleskro Lab 2024 (Sinte-Manouche)

²⁷ Leskre mala, kolenge yob čomone bičras, his an Betel, an Ramot-Negev, an Yattir,

O Debleskro Drom 2021 (Sinte)

²⁷ Leskre mala, kolenge job tchomone bitchras, his an Betel, an Ramot-Negev, an Jattir,

1. Samuel 30:27 ပူးပေါင်းရင်းမြစ်များ

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

1. Mose 28:19

Oun yob das kol platsa ko lab Betel. Glan ko tsiro his o lab ko forestar Louz.

1. Rajengro liil 12:29

Oun koy yek figura anas lo an o foro Betel oun koy vavar an o foro Dan.

Josua 15:48

Oun an i berge his kol forya: Shamir, Yattir, Soko,

Josua 16:1

Oun o khereske Yosef peran i barra yaake, te las lo ko them, hoy djas foun o pani Yordan – foun kotar, kay o foro Yericho čiddo hi – bis pash o foro Betel. Ko drom, hoy sikras, har dour o them djal, djas foun koy rig o forestar Yericho, kay o kham pre djal oun kay kol tikne panya hi, doureder an o moulo them, oun doureder bis an kol berge, kay o foro Betel čiddo his.

Josua 16:2

Oun o forestar Betel djas o drom doureder pash o foro Louz oun an o them dren oun pale vin, kay i Arkarya djivenn, bis pash o foro Atarot,

Josua 19:8

Oun koy pashel his kol tsele gaba, kay his čiddo troul kol forya. Kote, kay o kham pralstounes tardo hi, djas kava them bis pash o foro Baalat-Beer, hoy kharell ninna Ramat-Negev. Kova his o them, hoy lan i familye dran o kheer Simeon.

Josua 21:14

Yattir oun koy phoub troul o foro, kay i firhe nay rhan; Eshtemoa oun koy phoub troul o foro, kay i firhe nay rhan;

Josua 7:2

Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,

Josua 8:9

Oun yaake har o Yosua lenge penas, djan le koy oun khatran pen ap koy rig o forestar Ai, kay o kham tele djal, mank Ai oun o foro Betel. Oun o Yosua ačas an koy rat pash i vavar lourdende.