1. Samuel 30:24 - O Debleskro Lab 2024 (Sinte-Manouche)

²⁴ Koon te shounell an kava koova ap t'mende? Kava te vell yaake: Ko yek djal an o marepen, oun ko vavar dell yak ap i platsa. Oun dran lauter hoy randedo vas, lell hakeno, kova kay maras, oun kova kay yak das, oun hakeno yaake boud har o vavar!”

O Debleskro Drom 2021 (Sinte)

²⁴ Koon te shunell an kau koowa ap tumende? Kawa te well jaake: Ko jek djal an o marepen, un ko wawar dell jak ap i platsa. Un dran lauter hoi randedo was, lell hakeno, kowa kai maras, un kowa kai jak das, un hakeno jaake bud har o wawar!”

1. Samuel 30:24 ပူးပေါင်းရင်းမြစ်များ

Debleskri gili 68:12

O baro Devel penas i lab; oun boud djouvya nashan oun penan ko shoukar koova, hoy djas:

4. Mose 31:27

oun de i paash kolende, kay his an o kourepen, oun kol vavar paash de i vavar Israelitaryen.

Josua 22:8

penas lo ap lende: “T'mer venn khere baro bravlepah: T'men hi boud firhe, roup oun sonakay, lolo saster oun vavar saster oun ripya, hoy lan kolendar, kay kouran pen t'mentsa. Denn t'mare phralen, kay khere ačan, o paash kolestar!”

1. Samuel 22:2

Oun ninna van pash leste khetne boud vavar morsha. Mank lende his save, kay his palla-lino. Vavaren his siyaan, hoy nay playsran le gar. Vavaren his i pharo dji. Oun yob vas lengro pralstouno. Kolla lauter his yaake 400 (star-sheel) morsha.

1. Samuel 25:13

Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

1. Samuel 30:23

O David penas ap lende: “Mire phrala, ma krenn yaake o koveha, hoy o baro Devel men das! Yob das ap mende yak, oun das men kal marepangre an maro vast, kay pral mende peran!

1. Samuel 30:25

Kava lab, hoy o David ap ko dives penas, ačas tardo oun vas i čačepaskro lab. Oun o Israel hounte rikras pes ap leste bis kava dives.