1. Samuel 30:22 - O Debleskro Lab 2024 (Sinte-Manouche)

²² Mank kol morshende, kay o Davideha djan, his čilače morsha, kay či-moldo his, oun kolla penan: “Yon van gar mentsa. Doleske dah mer len či kolestar, hoy randam! Kokres peskri romyat oun peskre čaven lell hakeno! Oun palle djal lo peske!”

O Debleskro Drom 2021 (Sinte)

²² Mank kol murshende, kai o Davideha djan, his tchilatche mursha, kai tchi-moldo his, un kolla penan: “Jon wan gar mentsa. Doleske dah mer len tchi kolestar, hoi randam! Kokres peskri romjat un peskre tchawen lell hakeno! Un palle djal lo peske!”

1. Samuel 30:22 ပူးပေါင်းရင်းမြစ်များ

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

Mateo 7:12

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

5. Mose 13:13

Te shounenn i forestar, hoy t'maro baro Devel t'men das, te djivenn koy dren,

Čačepangre 19:22

Oun har yon les penge mishto djal moukan, van morsha dran o foro oun čivan pen troul o kheer tardo, či-molde morsha. Oun kolla dan ap o voudar, oun penan ap ko phouro morsh, koleske ko kheer his: “An menge ko morshes vin, kay pash toute an o kheer vas, te kras dinelo koova leha!”

1. Samuel 22:2

Oun ninna van pash leste khetne boud vavar morsha. Mank lende his save, kay his palla-lino. Vavaren his siyaan, hoy nay playsran le gar. Vavaren his i pharo dji. Oun yob vas lengro pralstouno. Kolla lauter his yaake 400 (star-sheel) morsha.

1. Samuel 25:17

Oun kanna dik, hoy tou gomme nay kreh! Te vell či kerdo, palle vell i bibarht pral maro rayeste oun leskro tselo kheer. Ko patsau zoreles. Yob hi sau čilačo mensho, te nay rakrell yek leha gar.”

1. Samuel 25:25

Miro ray, ma rhoye tout pral o Nabal, ko či-moldo! Har leskro lab, yaake hi lo ninna! Nabal kharell lo, oun i narvelo hi lo. Me, tiri boudepaskretsa, dikom kol morshen gar, kay bičral.

1. Samuel 30:21

Oun o David vas pash kol douy-sheel morshende, kay yaake khino his, te nay djan le gar leha, oun ačan doleske pale pash ko tikno lengsto pani, hoy kharella Besor. Oun kolla van kanna vin pash o Davideste oun kol lourdende, kay pash leste his. Oun har o David pash lende vas, poučas lo lendar an o lačepen, har lenge djala.

1. Samuel 30:23

O David penas ap lende: “Mire phrala, ma krenn yaake o koveha, hoy o baro Devel men das! Yob das ap mende yak, oun das men kal marepangre an maro vast, kay pral mende peran!