1. Samuel 3:19 - O Debleskro Lab 2024 (Sinte-Manouche)

¹⁹ Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.

O Debleskro Drom 2021 (Sinte)

¹⁹ Un o Samuel was bareder, un o baro Dewel his pash leste, un kras te was lauter tchatcho, hoi o Samuel i menshenge penas.

1. Samuel 3:19 ပူးပေါင်းရင်းမြစ်များ

1. Mose 21:22

An ko tsiro vas o Abimelek peskro pralstouno lourdeha Pikol pash o Abrahameste oun penas ap leste: “O Devel hi touha an halauter, hoy tou kreh.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Mose 39:3

Har leskro ray Potifar dikas, kay o baro Devel pash o Yosefeste his oun les barht das an lauter, hoy yob peskre vastentsa kras, his yob lačes ap leste.

1. Rajengro liil 8:56

Sharedo vell o baro Devel! Yob das peskre menshende i kotar phoub, kay mer nay djivah kek daryah, yaake har yob kova penas. Leskre tsele lače laba rikras yob, har yob penas menge dran o mouy o Mosestar, koles leskro čačo vast his.

2. Rajengro liil 10:10

Ap kova dikenn t'mer, kay lauter yaake vas, har o baro Devel pral o Ahabeskro kheer penas. O baro Devel kras kova, hoy yob moukas peskro boudepaskres o Eliya glan-vi te penell.”

2. Rajengro liil 15:12

Yaake vas čačo, hoy o baro Devel ap o Yehou penas: “Toutar venna bare raya pral o them Israel yaake rah bis te djivan star familye yek pal o vavar.” Oun yaake vas kova.

2. Rajengro liil 22:16

Kava penell o baro Devel: “Me anau čilačepen pral kava foro oun pral i menshende, kay kate djivenn. Ko tselo koova, hoy an ko liil tardo hi, oun hoy moukas peske o baro ray pral Youda glan te draverell, anau pral t'mende.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jesaja 55:11

Yaake hi kol laba, hoy dran miro mouy vin djan. Yon venn čačo, oun kova, hoy penom, vell yaake har me kamau. Oun kova, hoy mange glan lom, vell yaake kerdo.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Louka 1:28

Oun o Gabriel vas pash late an o kheer oun penas: “Lačo dives, Maria! O Devel hi touha! Yob dikas lačes ap toute.”

Louka 1:80

O Yohanni vas baro, oun hayvas hako dives feteder, hoy o Devel kamella. Oun yob djivas an o moulo them yaake rah, bis te vas ko dives, kay yob glan i menshende an Israel rakras.

Louka 2:40

Ko ternepen vas baro oun zorelo, oun pherdo gosvepen. Oun hakeno dikas, kay o Devel pash leste hi.

Louka 2:52

Yob vas gosveder oun phoureder. Oun o Devel oun i menshe dikan lačes ap leste.

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

5. Mose 18:22

Djinenn: Te rakrell ko Debleskro rakepaskro an o lab o baro Deblestar, oun kova hoy yob rakras vell gar čačo, yaake his ko lab hoy yob rakras gar o baro Deblestar. Ko rakepaskro kamas pes peskro rakepah bares te krell. Tou daress gar lestar!

2. Timoteo 4:22

Maro ray Yezous hi touha! Leskro lačepen djal t'mentsa!

Josua 21:45

Oun yaake vas halauter yaake, har o baro Devel ap o kheer Israel penas. Yob rikras peskre tsele lače laba, hoy lo lenge penas.

Čačepangre 13:24

Oun koy romni las i morsh čaves, oun das les o lab Simson. Oun ko čavo vas baro, oun o baro Devel čivas peskri barht ap leste.

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 12:2

Kanna djal yob glan t'mende. Me vom phouro oun mire balla van parno. Oun mire morsh čave hi pash t'mende. Foun tiknes pre djom glan t'mende bis ap kava dives.

1. Samuel 16:18

Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

1. Samuel 18:12

O baro Devel his o Davideha oun bouder gar o Sauleha. Doleske daras o Saul o Davidestar.

1. Samuel 18:14

Oun leske djas halauter mishto, oun o baro Devel his ap leskri rig.

1. Samuel 18:5

Oun o David djas o Sauleske an o marepen, oun lauter, hoy yob an o vast las, djas leske mishto. Oun o Saul hadas les pral i lourden, te vell lo lengro pralstouno. Oun i tsele Israelitarya kaman les. Oun ninna bare morsha an o Sauleskro kheer kaman les.

1. Samuel 2:21

Oun o baro Devel dikas lačes ap i Hanna, oun yoy vas vavarčandes, oun las gomme triin morsh čave, oun douy ča. Oun o Samuel ačas pash o baro Debleste oun vas an leskro kheer bares.

1. Samuel 2:26

Oun o terno Samuel vas phoureder, oun kova, hoy lo kras, his mishto glan o baro Debleskre yaka oun ninna glan i menshengre yaka.

1. Samuel 9:6

Ko boudepaskro penas: “Dik an kava foro hi i Debleskro morsh. Oun yob hi an-diklo. Lauter, hoy yob penell, vell ninna yaake. Djas pash leste, te poučas lestar, havo drom mer te djas.”