1. Samuel 26:19 - O Debleskro Lab 2024 (Sinte-Manouche)

¹⁹ Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!

O Debleskro Drom 2021 (Sinte)

¹⁹ Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’

1. Samuel 26:19 ပူးပေါင်းရင်းမြစ်များ

1. Mose 44:18

Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

2. Samuel 14:16

oun shounell ap miro mangepen, oun lell man vin dran i vasta kolestar, kay kamell man oun miro čaves vin te vitsrell dran o them, hoy o Devel peskre menshen das.

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

2. Samuel 16:11

Oun o David penas ap o Abishay oun ap leskre pralstoune boudepangre: “Miro čavo Absalom, kay mandar vas, kamell man moulo te dell, hoske gar ninna ko Benyaminari. Moukenn les te praasell! O baro Devel penas, kay nay krell yob kova.

2. Samuel 20:19

Maro foro hi yek kol foryendar, kay krell kek čingepen, oun moukell pes gar ap i vavar rig te tserdell. Maro foro hi har i day an Israel, oun tou kameh lat moulo te krell? Hoske kameh tou o baro Debleskro them paash te krell?”

2. Samuel 21:3

oun penas ap lende: “Hoy krap me t'menge? Oun har nay krau me kova pale mishto, hoy ap t'mende kerdo vas? Kamau, te dikenn oun rakrenn t'mer pale lačes ap i menshende o baro Deblestar.”

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

1. Rajengro liil 22:22

Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

Debleskri gili 120:5

Havi bibarht hi mange, te hounte djivap mank i vi-themarya, pash i menshende, kay prindjrenn gar miro Debles.

Debleskri gili 20:4

Mou bistrell lo kek lačo koova, hoy tou leske anal, oun dikell lačes ap kol firhen, hoy tou leske rhačral!

Gosewe laba 30:10

Ma an rhorhepen pre ap i boudepaskro pash leskro rayeste, te rakrell yob kek bibarht pral toute vin, oun tou hounte playsress koleske.

Jesaja 60:5

Palle dikeh tou kova, oun bari barhtyatar rhačell tiro mouy har i momeli, oun tiro dji trissella oun djal dour pre. Boud bravlepen dran vavar themma vell anlo pash toute, foun vergel o baro pani vell lo pash toute.

3. Mose 26:31

Me moukau t'mare forya an kotya te dell, oun dau kol platse paash, kay t'mare rhorhene deblen an-mangan. Oun kova, hoy t'mer mange rhačrenn, oun ko lačo soungepen, hoy vell vin, kova kamau bouder gar te soungell.

4. Mose 36:7

Kek them te perell koy yek bari familyatar ap i vavar familyate. Hako Israelitari rikrell ap peskro kotar them an o them kol menshendar peskro dadestar.

4. Mose 36:9

Yaake djal kek kotar them kol yek menshendar ap i vavarende. Hakeno kol 12 bare familyendar an Israel hounte rikrell zoreles peskro them.

Remarja 14:15

Te dikell tiro phraal, te rhah tou halauter, oun kova doukell les an peskro dji, palle kameh tou les gar o djiyestar. O Yezous Kristo meras ninna koleske. Doleske de yak, te anell savo tikno koova les gar o Debleskro dromestar tele.

Galatarja 5:12

Kolla, kay krenn t'men dineles, kamaus, te činenn pen le paash!

5. Mose 13:3

oun penell ninna: “Mer djas vavar deblen palla, hoy t'mer gar prindjrenn, oun mangas len an”, palle shounenn gar ap saveste, ninna te vell kova čačo, hoy yob penas. T'maro baro Devel kamell te dikell, te kamenn les t'mare tsele djiyentsa oun t'mari tseli zoryah.

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

1. Samuel 18:10

O vavar dives moukas o Devel o čilačo dourhes pral o Sauleste te vell. Oun yob vas divyes an peskro kheer. I harfa an o vast bashras o David o Sauleske, yaake har yob hako dives kras. Oun o Saules his i vitsepaskro čouri an o vast.

1. Samuel 24:9

Kote stas o David ninna pre, oun djas ninna vin, oun das pal o Sauleste palla gole: “Miro baro ray!” Oun o Saul rissras pes trouyel. Oun o David vitsras pes glan leste tele o mouyeha ap i phoub,

1. Samuel 25:24

oun ačas glan leskre herya čiddo, oun penas: “Ap mande kokres mou perell i tseli doosh, miro ray! Mouk man, tiri boudepaskretsat, te rakrell glan tire kanda! Shoun mire laba!

1. Samuel 27:1

O David penas peske an peskro dji: “Vell ko dives, kay perau o Sauleske an i vasta, oun yob dell man moulo! O feteder mange hi, te djap yaake sik har djala an o them Filistia. Palle moukell o Saul mandar tele, oun rodell man bouder gar an o tselo them Israel. Oun yob nay krell man či bouder!”