1. Samuel 25:42 - O Debleskro Lab 2024 (Sinte-Manouche)

⁴² Oun i Abigayil las sik lauter khetne, oun beshas pes ap i bourika. Oun lakre panč boudepangre djouvya djan lah. Oun yoy djas kol morshenge palla, kolen o David bičras, oun vas o Davideskri romni.

O Debleskro Drom 2021 (Sinte)

⁴² Un i Abigajil las sik lauter khetne, un beshas pes ap i burika. Un lakre pantch budepangre djuwja djan lah. Un joi djas kol murshenge palla, kolen o David bitchras, un was o Davideskri romni.

1. Samuel 25:42 ပူးပေါင်းရင်းမြစ်များ

2. Samuel 2:2

Yaake djas o David koy peskre douy djouvyentsa, i Ahinoam dran Yesreel, oun i Abigayil, o Nabaleskri romni dran Karmel.

2. Samuel 3:2

O Davideske van morsh čave boldo an o foro Hebron. Ko ersto čavo his o Amnon. Leskri day his i Ahinoam dran Yesreel.

2. Samuel 3:3

Ko douyto his o Kilab. Leskri day his i Abigayil, kolakro rom, o Nabal dran Karmel, meras. Ko triinto his o Absalom. Leskri day his i Maaka, koy čay o baro rayestar pral o them Geshour. Leskro lab his Talmay.

1. Samuel 27:3

Oun o David peskre morshentsa ačas pash o Akish an o foro Gat. Hakenes his peskri familya pash peste. O Davides his peskre douy romyen pash peste, i Ahinoam dran Yesreel, oun i Abigayil dran Karmel, kolakro rom o Nabal his.

1. Samuel 30:5

Ninna kol douy romya o Davidestar van pandlo krik lino, i Ahinoam dran Yesreel oun i Abigayil, kay his i romni o Nabalestar dran Karmel.