1. Samuel 25:28 - O Debleskro Lab 2024 (Sinte-Manouche)

²⁸ Biste mange, te hadom me man oun rakrom ap toute! Me djinau, o baro Devel dell tout i kheer, hoy ačella. Tou hal kova, kay djal o baro Debleske an o kourepen. Kek čilačepen mou vell hatslo ap toute, yaake rah har tou djiveh!

O Debleskro Drom 2021 (Sinte)

²⁸ Biste mange, te hadom me man un rakrom ap tute! Me djinau, o baro Dewel dell tut i kheer, hoi atchella. Tu hal kowa, kai djal o baro Debleske an o kurepen. Kek tchilatchepen mu well hatslo ap tute, jaake rah har tu djiweh!

1. Samuel 25:28 ပူးပေါင်းရင်းမြစ်များ

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

2. Samuel 7:11

kay rodom me čačepangre raya mire menshenge vin. Me rikrau lauteren kolen toutar krik, kay kamenn te kourenn pen touha. Me, o baro Devel, penau touke, tou kreh mange kek kheer. Me krau touke i kheer.

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

2. Samuel 7:27

Tou, baro Devel oun ray pral o bolepen oun i phoub, kay hal o Israeleskro Devel, tou sikral man, hoy kameh te krell – oun penal mange: Me krau touke i kheer. Doleske lom man khetne oun rakrom yaake ap toute.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

1. Rajengro liil 9:5

palle krau me, te vell hako tsiro yek tire menshendar o baro ray pral Israel. Yaake penom tiro dadeske o Davideske: An tiri familya hi hako tsiro i morsh koy, kay vell baro ray pral Israel.

1. Familjakro liil 17:10

kay rodom me čačepangre raya mire menshenge vin. Oun me krau kolen tiknes glan toute, kay kourenn pen touha. Me moukau touke kanna te penell: Tou kreh mange kek kheer. Me krau touke i kheer.

1. Familjakro liil 17:25

Tou, miro Devel, sikral man, hoy kameh te krell – oun penal mange: Me krau touke i kheer. Doleske lom man khetne oun rakrom touha.

2. Familjakro liil 20:15

Oun o Yaziel penas: “Shounenn mishto, menshale dran o them Youda oun dran o foro Yerusalem, oun tou, baro ray Yosafat! Kava penell o baro Devel t'menge: Ma darenn, oun denn gar tiknes palla glan kol boud lourdende, kolen t'mer dikenna! Kava kourepen hi gar t'maro kourepen, o Debleskro kourepen hi.

Debleskri gili 7:3

venn le har i levo oun taprenn man oun dandrenn man. Oun kek nay tserdell man mank lengre danda vin.

Debleskri gili 89:29

Hako tsiro ačell miro lačepen ap leste, oun miro lab, hoy leske sovel dom, rikrau me.

4. Mose 23:21

Me dikau kek bibarht ap o Yakob oun kek čilačepen ap o Israel. O baro Devel hi lengro Devel oun hi pash lende. Yob hi lengro baro ray, koleske givenn le i barhtyatar.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 23:41

Kava hi mari phagi koleske, hoy kram. Mer anah čačepah doosh ap mende. Kava morsh kras kek čilačepen.”

Louka 23:47

Har ko pralstouno lourdo dikas, hoy koy djas, sharas lo o Debles oun penas: “Čačepah, kava his i lačo morsh.”

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.

1. Samuel 17:47

Oun ninna hakeno, kay kate hi, kova dikell oun hayvell, te hounte vell o baro Debles kek rharo oun kek vitsepaskro čouri, te lell lo peskre menshen dran o merepen vin. Yob hi o zorleder oun dell t'men an mare vasta.”

1. Samuel 18:17

Oun o Saul penas peske: “Miro vasteha kamau gar o Davides te marell. I Filistarya mou denn les moulo.” Doleske penas lo ap o David: “Me kamau tout miri phoureder čat, i Merab, te dell, te romedineress lat. Tou, ab i čačo morsh oun koure tout mishto an o baro Debleskro kourepen.”

1. Samuel 2:35

Me moukau mange i rashayes pre te stell, kay peskri boudi mishto krell. Yob krell lauter yaake, har me kamau oun mange shoukar hi. Oun me krau leske i kheer, hoy ačella. Oun yob boudrella hako tsiro koleske, koles me vi-rodau, te vell lo baro ray.

1. Samuel 22:14

O Ahimelek penas ap o baro rayeste: “Koon mank tire tsele boudepangre hi yaake ap tiri rig har o David? Ninna hi lo tiri čakro rom oun o pralstouno pral tire feteder lourdende. Oun yob hi an-diklo an tiro tselo kheer.

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.

1. Samuel 24:21

Me djinau, te veh tou baro ray, oun te vell o them Israel an tiro vast zoreles!

1. Samuel 24:4

Har vas o Saul pash kol bakrengre platse, kay ap o drom his, dikas lo i grotta, djas koy dren ap i rig. Oun o David oun leskre morsha his doureder palla an koy grotta.

1. Samuel 25:24

oun ačas glan leskre herya čiddo, oun penas: “Ap mande kokres mou perell i tseli doosh, miro ray! Mouk man, tiri boudepaskretsat, te rakrell glan tire kanda! Shoun mire laba!

1. Samuel 29:3

Kote poučan i pralstoune lourde: “Hoy krenn kal Hebrearya kay?” Oun o Akish penas lenge: “Kava hi o David. Yob his i kourepaskro o Sauleske, ko rayeske pral o Israel. Glan boudeder har yek bersh vas lo pash mande. O tselo tsiro, har peras lo tele o Saulestar bis kanna hatsom či ap leste, hoy gar mishto hi.”

1. Samuel 30:26

Oun har o David pale an o foro Siklag vas, bičras lo čomone dran ko randedo koova ap i phourende an o them Youda, kay leskre mala his. Oun moukas lenge te penell: “Dikenn, kava hi t'menge dran ko koova, hoy mer kolendar randam, kay o baro Debles gar kamenna.”