1. Samuel 25:11 - O Debleskro Lab 2024 (Sinte-Manouche)

¹¹ Lap me miro maro oun miro pani, oun ko mass kol firhendar, kay marom kol morshenge, kay o bakrengro bal činenn? Oun dap kova kal morshende, kolendar me gar djinau, kay le venna?”

O Debleskro Drom 2021 (Sinte)

¹¹ Lap me miro maro un miro pani, un ko mass kol viechendar, kai marom kol murshenge, kai o bakrengro bal tchinenn? Un dap kowa kal murshende, kolendar me gar djinau, kai le wenna?”

1. Samuel 25:11 ပူးပေါင်းရင်းမြစ်များ

Hiob 31:17

Rhom me miro rhapen kokres, oun dom kolen či, kolen bouder kek dad his?

2. Korintarja 6:9

Pash yekeste ham prindjedo, pash i vavarende ham gar prindjedo. Ninna te hi o merepen glan mare yaka, ham gomme djido. Mer lam dava oun meram gar.

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

5. Mose 8:17

Oun t'mer te nay penenn gar an t'mare djia: Miri zoor oun mire vastengri boudi anas mange kava tselo bravlepen!

1. Petro 4:9

Lenn yek o vavares kamles an peskro kheer! Oun rhoyrenn t'men gar pral koy boudi, hoy t'men hi!

Čačepangre 8:15

Oun o Gideon djas pash kol morshende an o foro Soukot oun penas ap lende: “Dikenn kay, kate hi o Zeba oun o Zalmunna, kolentsa t'mer man praasan, har t'mer penan: O Zeba oun o Zalmunna hi gomme gar an tire vasta! Hoske das mer tire khine lourden te rhal?”

Čačepangre 8:6

I pralstoune an o Soukot penan: “O Zeba oun o Zalmunna hi gomme gar an tire vasta! Hoske das mer tire lourden te rhal?”

Čačepangre 8:8

Oun yob moukas o foro pal peste, oun djas pre an o foro Penouel. Oun penas emlige laba ap kolende, kay kote djivan. Kolla penan ninna kova, hoy i morsha an o foro Soukot penan.

1. Samuel 24:13

O baro Devel mou vell o čačepaskro ray mank mende douyende! Yob dell tout pale, hoy tou ap mande kral! Miro vast taprell tout gar an!

1. Samuel 25:12

Oun kol morsha kran pen pale ap o drom. Oun har le pale pash o Davideste van, penan le leske lauter, hoy o Nabal penas.

1. Samuel 25:3

Oun ko morsh kharas Nabal oun vas i menshendar Kaleb. Yob his yalo oun čilačo an lauter, hoy yob kras. Leskri romni kharas Abigayil. Yoy his i gosevi oun shoukar djouvel.

1. Samuel 25:7

Me shounom, te moukeh o bal tire bakrendar te činell. Oun me kamau, te djiness, te his tire morsha, kay ap i bakre yak denna, mentsa khetne ap i berga Karmel. Oun mer kram len či. Oun ko tselo tsiro, kay le mentsa khetne his, nashran le kek firhes.