1. Samuel 24:11 - O Debleskro Lab 2024 (Sinte-Manouche)

¹¹ Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

O Debleskro Drom 2021 (Sinte)

¹¹ Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

1. Samuel 24:11 ပူးပေါင်းရင်းမြစ်များ

2. Samuel 1:14

O David penas ap leste: “Trashal tou gar, te hadess tiro vast, te dess koles moulo, kay vas o baro Deblestar vi-rodedo?”

2. Rajengro liil 5:13

Koy djan leskre boudepangre pash leste, rakran leha oun penan: “Maro ray, te penals ko Debleskro rakepaskro, te kress čomone, hoy pharo hi, krals tou kova gar? Kanna mangas lo toutar i tikno koova, har penas lo: Dja an ko pani oun thob tout, oun tou veh sasto. Hoske kameh kova gar te krell?”

Hiob 10:16

Te hadau miro shero pre, palle leh tou man palla, har te vals i levo, oun sikreh tiri bari zoor, te doukress man.

Debleskri gili 119:161

Raya lenn man palla, ninna te krom me lenge či, tire laba kokres hi kolla, kay me darau man lendar.

Debleskri gili 140:11

Mouk yagakre barra ap lende te perell! Vitse len an i yag! Mouk len te perell an o telstunepen, yaake te nay stenn le bouder gar pre!

Debleskri gili 35:7

Yon čivan mange i netsa vin, te perap dren, ninna te krom me lenge či. Čičeske hadan le mange i rheb vin, te perap dren.

Debleskri gili 59:3

Le man vin dran i vasta kol čilačendar, kol menshendar, kay kamenn te dikell, har miro rat nashell.

Debleskri gili 7:5

te homs čilačes ap kolende, kay mange lačes kaman, oun kolendar čoroms, kay les mange phares kran, ninna te krom me lenge či,

Gosewe laba 15:1

I kamlo lab krell te djal o vavareskri rholi pale. I lab, hoy o vavares doukrell, krell les rhoyedo.

Ropaskre gilja 4:18

Yon lan men palla, te nay nasham bouder gar ap mare dromma. Mentsa hi trouyel. Mer ham nashedo. Maro djipen hi trouyel.

Ezekiel 13:18

oun pen lenge: Kava penell o baro Devel, maro ray: Bibarht vell ap t'mende! T'mer sivenn dourkepangre dikle, hoy venn pandlo troul i moussya oun troul i sherya hakenestar, i ternendar oun i phourendar, te vell t'men zoor pral lende. Kamenn t'mer vavar menshen an o merepen te anell, oun t'mer kokres djido ačenn?

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 18:27

koy kras lo pes ap o drom oun djas peskre lourdentsa an o kourepen, oun das douy-sheel Filistaryen moulo. Oun o David las kol tsele douy sheel moulendar lengro morshkano mass tele, oun anas les o baro rayeske, te vell lo leskri čakro rom. Oun o Saul das les peskri čat Mikal, te vell li leskri romni.

1. Samuel 23:14

Oun o David ačas an o moulo them, oun khatras pes an i berge pash o foro Sif. Oun o Saul rodas les o tselo tsiro. Oun o Devel das o Davides gar an leskro vast.

1. Samuel 23:23

Lenn hako khatepen an i yak, kay khatrell lo pes. Oun te djinenn kova lauter, palle avenn pale pash mande kay! Oun me djau t'mentsa. Oun te hi lo an o them, palle hatsau me les ninna. Oun te hounte rodoms ninna an o tselo them Youda pal leste!”

1. Samuel 25:28

Biste mange, te hadom me man oun rakrom ap toute! Me djinau, o baro Devel dell tout i kheer, hoy ačella. Tou hal kova, kay djal o baro Debleske an o kourepen. Kek čilačepen mou vell hatslo ap toute, yaake rah har tou djiveh!

1. Samuel 26:18

Oun yob rakras doureder: “Hoske lell miro ray man, peskro boudepaskres, palla? Hoy krom me? Havo čilačepen hi ap mande?

1. Samuel 26:20

Ma mouk, te merap dour krik o baro Deblestar! Hoske djal o baro ray pral o Israel vin, te marell lo i poushoum har me? Hoske tradell lo man har yek i divyi karhni palla lell ap i berge?”

1. Samuel 26:23

O baro Devel dell lačepen hakeneste, kay ap leste rikrella, oun an o čačepen djivella. Kava dives das lo tout an miro vast, oun me kamom tout gar te doukrell – tout, ko vi-rodedes o baro Deblestar.