1. Samuel 2:31 - O Debleskro Lab 2024 (Sinte-Manouche)

³¹ Djiness, ko tsiro vella, koy dau i tsele terne morshen moulo an tiro kheer oun an tiro dadeskro kheer, yaake te vell kek phouro an tiri familya.

O Debleskro Drom 2021 (Sinte)

³¹ Djiness, ko tsiro wella, koi dau i tsele terne murshen mulo an tiro kheer un an tiro dadeskro kheer, jaake te well kek phuro an tiri familja.

1. Samuel 2:31 ပူးပေါင်းရင်းမြစ်များ

1. Rajengro liil 2:35

Oun o baro ray čivas o Benaya pral i lourdende, te vell yob lengro pralstouno. Oun o rashayeste, o Zadok, das lo koy boudi, hoy o rashayes o Abyatar his.

Hiob 22:9

Koy djouvel, kolakro rom meras, bičral tou toutar krik, oun dal lat či an o vast. Oun djal kol čaventsa čilačes trouyel, kolengro dad meras.

Debleskri gili 37:17

Kolengri zoor vell phagedo. O baro Devel rikrell kolen, kay an o čačepen tardo hi.

Ezekiel 44:10

Har i Israelitarya mange o doumo sikran, oun vavar deblenge palla nashan, koy djan ninna i Levitarya mandar krik. Kanna hounte hidjrenn le pengri phagi.

1. Samuel 14:3

An ko tsiro his o Ahia o rashay oun rivas koy damdira, hoy rivenn i rashaya. Koleskro dad his o Ahitoub, koleskro phraal his o Ikabod. Lengro dad his o Pinhas, leskro dad his o Eli, kay his o baro Debleskro rashay an o foro Shilo. I lourde djinan gar, te djas peske o Yonatan.

1. Samuel 3:12

Ap ko dives kamau me lauter pral o Eli oun leskro kheer te anell, hoy me pral leste rakrom, bis te lauter yaake vas, har me penom.

1. Samuel 4:2

Oun i Filistarya djan ap i Israelitaryen pre. Oun o kourepen vas pharo. Oun i Filistarya dan i Israelitaryen yaake phares, te meran lendar star-zerya (4.000) morsha an kava marepen.