1. Samuel 2:2 - O Debleskro Lab 2024 (Sinte-Manouche)

² Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.

O Debleskro Drom 2021 (Sinte)

² Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.

1. Samuel 2:2 ပူးပေါင်းရင်းမြစ်များ

2. Samuel 22:3

Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga. Tou kreh miro djipen sasto, oun kreh, te doukrell man kek.

2. Samuel 22:32

Yek kokres hi o Devel. Kova hi o baro Devel. Yek kokres hi har i baro zorelo bar menge, kay nay khatrah men. Kova hi maro Devel.

2. Samuel 7:22

Baro Devel, miro ray, har baro hal tou! Kek hi yaake har tou! Oun dell kek devel har tou, pal lauter, hoy mer mare kandentsa shounam.

1. Rajengro liil 8:23

oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

Debleskri gili 111:9

O baro Devel las peskre menshen vin dran i čilače vasta, oun kras lentsa vin, te venn le leskre menshe hako tsiro. Yob kokres hi lengro Devel. Baro hi lo!

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 18:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Debleskri gili 71:19

Miro Devel, tiro čačepen djal bis pash o bolepen. Tou, kay kreh baro koova, koon hi yaake har tou, miro Devel?

Debleskri gili 71:3

Ab mange har i baro zorelo bar, pash koleste nay nashau oun man khatrau! Tou dal tiro lab, te vess ap miri rig. Tou hal mange har i baro zorelo kheer ap i barreskri berga, kay nay khatrau man.

Debleskri gili 73:25

Te hi man tout, poučau či pal o bolepen, oun vitar gar pal i phoub.

Debleskri gili 86:8

Miro ray, dell kek debles har tout. Kek nay krell kova, hoy tou kreh.

Debleskri gili 89:6

Baro Devel, o bolepen sharell, hoy tou an tiri zoor lauter kral, I bolepangre sharenn, har hako tsiro pash tire menshende rikral.

Debleskri gili 89:8

Kote, kay i bolepangre khetne venn, o Deblestar yon darenn. Kolla lauter, kay hi troul leste, hi dareno tardo glan o baro Debleste.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

Debleskri gili 99:5

Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel.

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 40:18

Koon hi har o Devel? Hi čomone yaake har yob?

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jeremia 10:6

Baro Devel, kek hi har tou hal! Tou hal baro oun zorelo! Oun tiri bari zoor dikan i menshe.

3. Mose 11:44

Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

3. Mose 11:45

Me hom o baro Devel, oun anom t'men dran o them Egiptia vin, te vap t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

Remarja 15:4

Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

Remarja 4:8

Barhtelo hi ko mensho, koleske o Devel leskro čilačepen gar glan i yaka rikrella.

5. Mose 3:24

“Baro Devel, miro ray, tou sikral man, tiro boudepaskres, tiro barepen oun tiro zorelo vast. An o bolepen oun ap i phoub hi kek vavar devel, kay nay krell savo baro koova an savi bari zoor har tou.

5. Mose 32:20

Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

1. Petro 1:16

An o Debleskro lab hi činlo, kay o Devel penella: An mande hi kek čilačepen. Doleske hounte vell kek čilačepen an t'mende.