1. Samuel 14:7 - O Debleskro Lab 2024 (Sinte-Manouche)

⁷ “Kre lauter, har tou les kameh”, penas ko terno morsh. “Me djau touha. An hako koova, hoy tou ninna kreh, me hom pashel.”

O Debleskro Drom 2021 (Sinte)

⁷ “Kre lauter, har tu les kameh”, penas ko terno mursh. “Me djau tuha. An hako koowa, hoi tu ninna kreh, me hom pashel.”

1. Samuel 14:7 ပူးပေါင်းရင်းမြစ်များ

2. Samuel 15:15

Koy penan o baro rayeskre an-dikle morsha ap leste: “Tou hal maro ray, oun mer ham tire boudepangre. Mer krah yaake har tou, baro ray, kameh.”

2. Samuel 7:3

Penas o Natan ap leste: “Dja koy oun kre lauter, hoy tout ap o dji hi! O baro Devel hi pash toute!”

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Čačepangre 9:54

Koy das lo sik gole ap peskro boudepaskro, kay leske o rharo hidjrell, oun penas ap leste: “Le tiro rharo, oun de man temerl, te penell kek mandar: I djouvel das les temerl.” Oun leskro boudepaskro das les tele čourye, yaake te meras lo.

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 14:8

Oun o Yonatan penas: “Dik, mer djah yaake vergel, te dikenn men kol morsha ap i vavar rig.