1. Samuel 14:50 - O Debleskro Lab 2024 (Sinte-Manouche)

⁵⁰ Oun o lab o Sauleskri romyatar his Ahinoam. Kolakro dad his o Ahimaaz. Oun o Saul čivas o Abner, koleskro dad o Ner hi, pral peskre lourdende, te vell lo lengro pralstouno. O Ner his o Sauleskro kak.

O Debleskro Drom 2021 (Sinte)

⁵⁰ Un o lab o Sauleskri romjatar his Ahinoam. Kolakro dad his o Ahimaaz. Un o Saul tchiwas o Abner, koleskro dad o Ner hi, pral peskre lurdende, te well lo lengro pralstuno. O Ner his o Sauleskro kak.

1. Samuel 14:50 ပူးပေါင်းရင်းမြစ်များ

2. Samuel 2:8

O Sauleskro pralstouno lourdo, o Abner, koleskro dad o Ner hi, kova las o Sauleskro čaves Ish-Boshet, oun anas les an o foro Mahanayim,

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Samuel 3:38

Oun o baro ray penas ap peskre morshende: “Djinenn t'mer gar, kay kava dives i baro morsh oun pralstouno meras an Israel?

2. Samuel 3:6

Yaake rah har ko kourepen his mashkral o Sauleskri familya oun o Davideskri familya, his o Abner ap koy rig o Sauleskri familyatar oun kras lat zoreles.

1. Familjakro liil 26:28

O Shelomit oun leskre phrala his i pralstoune pral halauter, hoy o Debleske dino vas, ninna pral kova, hoy glan ko tsiro o dikepaskro o Samuel o Debleske anas, oun o Saul, koleskro dad o Kish his, oun o Abner, koleskro dad o Ner his, oun o Yoab, koleskri day i Serouya his.

1. Familjakro liil 27:21

pral i paash familya Manasse an o them Gilead: o Yiddo, koleskro dad o Zakarie his; pral i familya Benyamin: o Yaasiel, koleskro dad o Abner his;

1. Samuel 10:14

Oun o Sauleskro kak dikas les oun leskro boudepaskres oun poučas: “Kay hans t'mer?” Oun o Saul penas: “Mer rodam i eslen, oun har dikam, te hi le gar koy, djam pash o Samuel.”

1. Samuel 17:55

O Saul dikas, har djas o David an o kourepen ko Filistareha, oun poučas peskro pralstouno lourdestar, o Abner: “Koneskro čavo hi kova?” Oun o Abner penas: “Čačepah, miro ray, me djinau gar!”

1. Samuel 26:5

Oun o David kras pes ap o drom, oun vas kote, kay o Saul peskre lourdentsa hi. Oun o David dikas koy platsa, kay o Saul pes tele čivas, te sovell lo. Oun pash o Saul his o pralstouno pral i lourdende čiddo. Leskro lab hi Abner, koleskro dad hi o Ner. Kol douy his mashkral ap i platsa čiddo, oun i tsele lourde his troul lende čidde.