1. Samuel 14:45 - O Debleskro Lab 2024 (Sinte-Manouche)

⁴⁵ I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.

O Debleskro Drom 2021 (Sinte)

⁴⁵ I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Samuel 14:45 ပူးပေါင်းရင်းမြစ်များ

2. Samuel 14:11

Penas li: “De man tiro lab pash o baro Debleste, kay tiro Devel hi, te krell ko morsh kava koova gar gomme djoungleder, kay kamell o rat miro moulo čavestar ap o shero miro vavar čavestar te anell, oun koles te marell.” Penas o baro ray: “Pash o djido Debleste, kek bal tiro čavestar perella ap i phoub.”

1. Rajengro liil 1:52

O Salomo penas: “Te rikrell lo ap mande, krau leske či; hatsau čilačepen ap leste, hounte merell lo.”

2. Familjakro liil 19:11

Dikenn, o pralstouno rashay, o Amarya hi pral t'mende tardo an o Debleskro tselo koova. Oun o Sebadja, koleskro dad o Ismael his, – yob hi o pralstouno pral o kheer Youda – les hi penepaske pral halauter, hoy an miro, o baro rayeskro, vast hi. Oun i Levitarya hi t'mare činepangre, kay činenn an lila, hoy hounte vell pre činlo. Krenn t'mari boudi kek daryah! O baro Devel vell kolenge ap i rig, kay krenn, hoy mishto hi.”

Nehemia 9:27

Doleske dal tou len an o vast kolendar, kay lenge i pharo djipen kran. Oun har len bari daar his, dan le gole ap toute. Oun tou shounal len dran o bolepen, oun kral tiro dji lenge pre, oun bičral lenge morshen, kay len vin lan dran i čilače vasta.

Jesaja 13:3

Me, o baro Devel, dom mire zorele kourepangren khetne gole. Kolla, kay hadenn man barhteli golyah, čivom mange ap i rig, te anenn le miri rholi pral lende.

Mateo 10:30

Oun yob djinella, kitse balla ap t'maro shero hi.

Louka 21:18

Čačepah, me penau t'menge: Kek bal ap t'maro shero djal nashedo.

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Bičepangre 21:19

O Paulo penas lenge “Lačo Dives!” Oun palle penas lo lenge halauter, yek pal o vavar, hoy o Devel leha mashkral kol menshende kras, kay kek bibolde hi.

Bičepangre 27:34

Doleske mangau t'men: Rhan kanna čomone! Kova hounte krenn, te ačenn djido. Kek t'mendar nashrell i bal ap o shero.”

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 19:14

Oun i tsele bolepaskre kourepangre van leske palla ap parne graya. Len his koola dran parno djoudjo than.

1. Samuel 11:13

O Saul penas: “Kava dives vell kek moulo dino. Kava dives las o baro Devel peskre menshen Israel vin dran i vasta kolendar, kay lenge čilačepen kaman.”

1. Samuel 14:23

Yaake las o baro Devel ap ko dives o Israel vin dran o vast i Filistarendar. Oun ko marepen tserdas pes bis pal o foro Bet-Aven.

1. Samuel 14:46

Oun o Saul las i Filistaryen bouder gar palla, oun djas pale pre. Oun i Filistarya djan pale an pengro them, kay le van.

1. Samuel 19:5

Yob dikas gar ap peskro djipen, har djas lo koy oun kouras pes o Filistareha oun das les moulo. Yaake te las o baro Devel o tselo Israel dran i vasta i Filistarendar. Oun tou dikal kova oun hals barhtelo. Hoske kameh tou doosh ap toute te anell oun i rat yekestar, koles kek doosh ap peste hi? Hoske kameh tou o Davides moulo te dell čičeske?”