1. Samuel 14:33 - O Debleskro Lab 2024 (Sinte-Manouche)

³³ Oun o Sauleske vas penlo: “I lourde anenn doosh ap pende glan o baro Debleste: Yon rhan o mass, kay o rat gomme dren hi.” Koy das o Saul gole: “Havo pale-čiddo koova glan o baro Debleste! Anenn i baro bar kay pash mande!”

O Debleskro Drom 2021 (Sinte)

³³ Un o Sauleske was penlo: “I lurde anenn doosh ap pende glan o baro Debleste: Jon chan o mass, kai o rat gomme dren hi.” Koi das o Saul gole: “Hawo pale-tchiddo koowa glan o baro Debleste! Anenn i baro bar kai pash mande!”

1. Samuel 14:33 ပူးပေါင်းရင်းမြစ်များ

1. Mose 9:4

Kokres o mass, kay hi gomme rat dren, kova hounte rhan gar; an o rat hi o djipen.

3. Mose 17:10

Hako Israelitari, ninna hako vi-themari, kay mank t'mende djivell, kay rat rhal, havo ninna hi, koleske sikrau miro doumo, oun krau, te djivell lo bouder gar mank mire menshende.

3. Mose 19:26

Ma rhan mass, kay rat dren hi. Ma dourkrenn! Ma krenn bengeskro koova!

3. Mose 7:26

Ma rhan vitar kek rat – kek rat i firhestar oun kek rat i čirklestar, kay t'mer ninna djivenna!

3. Mose 7:27

Hakeno, kay rhal o rat, vell infam oun hi bouder kek Israelitari.”

Mateo 7:5

Tou rhorheno! Tou kreh, har te vals tou lačeder har yob. Le ko baro kasht dran tiro yak vin, palle nay leh tou o tikno kasht dran tiro phraleskro yak vin!

Bičepangre 15:20

Mer činah lenge i liil, oun penah lenge, te rhan le kek mass, hoy vas glan i figura anlo, hoy i menshe an-mangenn, har te vals li o Devel; te sovenn i morsha gar vavar djouvyentsa, vitar gar i djouvya vavar morshentsa; te rhan le kek mass i firhendar, kay o rat gar vin nashas, te piyenn le lendar vitar kek rat.

Remarja 2:1

Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

5. Mose 12:16

Kokres o rat ma rhan! Koles čorenn ap i phoub har pani.

5. Mose 12:23

Kokres yek koova rikrenn dren! Ma rhan o mass, kay hi gomme o rat dren! An o rat hi o djipen. Oun t'mer hounte rhan gar o djipen khetne o masseha.

5. Mose 15:23

Kokres lakro rat rhas tou gar! Tou čoress les ap i phoub har pani.

1. Samuel 14:34

Oun palle penas lo: “Djan mank i lourdende oun penenn lenge, te anell hakeno peskri groumni oun peskro bakro pash mande. Oun kate pash o bar dell lo les moulo oun moukell o rat vin te nashell. Palle rhal lo les gar o rateha. Oun yaake anenn t'mer kek doosh ap t'mende glan o baro Debleste.” An koy rati anas hakeno peskro firhes pash o Sauleste, oun das les kote moulo.