1. Samuel 14:12 - O Debleskro Lab 2024 (Sinte-Manouche)

¹² Oun yon dan gole ap kol douyende oun penan: “Avenn kate pash mende pre, palle sikras les mer t'mende!” Kote penas o Yonatan ap ko terno morsheste: “Dja pal mande! O baro Devel das len an o Israelengre vasta.”

O Debleskro Drom 2021 (Sinte)

¹² Un jon dan gole ap kol dujende un penan: “Awenn kate pash mende pre, palle sikras les mer tumende!” Kote penas o Jonatan ap ko terno mursheste: “Dja pal mande! O baro Dewel das len an o Israelengre wasta.”

1. Samuel 14:12 ပူးပေါင်းရင်းမြစ်များ

1. Mose 24:42

Yaake vom kava dives pash kava pani oun penom: Baro Devel, o Devel miro rayestar Abraham, te deh tou čačepah barht ap ko drom, kay me djau, sike les mande!

1. Mose 24:48

Koy pal vitsrom man tele glan o baro Debleste oun parkrom man pash leste. Oun sharom les, o Debles miro rayestar Abraham. Yob anas man ap o čačo drom, te anap miro rayeskro čaveske i čay leskro phraleskro čavestar.

2. Samuel 5:24

Tou te shouneh i gole, har te djal yek pral an i rouka, am sik! Palle djal o baro Devel glan toute, te dell yob i Filistarengre lourden.”

2. Rajengro liil 14:8

Oun o Amazya bičras bičepangre pash o Yoash, ko baro rayeste pral o them Israel. Koleskro dad his o Yoakaz, oun leskro papo his o Yehou. Oun moukas leske te penell: “Ab pash mande, mer kamah te dikell, koon o zorleder mendar hi!”

Čačepangre 4:14

Oun i Debora penas ap o Barak: “Dja! Kava hi ko dives, kay o baro Devel o Siseres an tiro vast das. O baro Devel djas vin glan toute.” Oun o Barak djas koy berga Tabor tele, oun deesh-zerya morsha leske palla.

Čačepangre 7:14

Oun leskro maal penas: “Kava hi či vavar har o rharo o Gideonestar, koleskro dad o Israelitari Yoash hi. Koles das o Devel i tsele Midianarya pengre tsele lourdentsa an leskro vast.”

Čačepangre 7:15

Oun har shounas o Gideon koy souni oun kova, hoy kamas kay souni te penell, kote čivas lo pes ap i čanga glan o Debleste oun sharas les. Oun djas pale pash i platsa, kay i Israelengre lourde hi, oun penas: “Hadenn t'men! O baro Devel das i Midianarya oun lauter, kay pash lende hi, an t'maro vast.”

Čačepangre 9:54

Koy das lo sik gole ap peskro boudepaskro, kay leske o rharo hidjrell, oun penas ap leste: “Le tiro rharo, oun de man temerl, te penell kek mandar: I djouvel das les temerl.” Oun leskro boudepaskro das les tele čourye, yaake te meras lo.

1. Samuel 14:10

Te penenn le: Avenn pre, palle djah pash lende pre; kova vell o sikepen, te das len o baro Devel an maro vast.”

1. Samuel 14:13

Oun o Yonatan djas ap i vasta oun herya pre. Oun ko terno morsh djas pal leste. Oun o Yonatan djas ap i lourdende pre. Oun yon peran glan leste ap i phoub. Oun ko terno morsh pal leste das len moulo.