1. Samuel 10:22 - O Debleskro Lab 2024 (Sinte-Manouche)

²² Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

O Debleskro Drom 2021 (Sinte)

²² Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 10:22 ပူးပေါင်းရင်းမြစ်များ

1. Mose 25:22

Oun i čave stakran pen an lakro per. Koy penas yoy: “Hoske djal mange kova?” Oun yoy djas te poučell li o baro Deblestar.

2. Samuel 2:1

Pal kova poučas o David o baro Deblestar: “Djap me an yek kol foryendar an o them Youda, te ačap kote?” Oun o baro Devel penas ap leste: “Dja koy!” Oun o David poučas: “An havo foro?” Penas o Devel: “An Hebron.”

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

1. Samuel 10:21

Palle moukas lo hako dadeskro kheer dran i familya Benyamin glan te vell. Koy sikran i kashta ap o dadeskro kheer Matri. Oun mank i morshende dran o kheer Matri sikran i kashta ap o Saul, koleskro dad o Kish hi. Oun yon rodan les, oun hatsan les gar.

1. Samuel 14:37

Oun o Saul poučas o Debles: “Djap me tele oun lap i Filistaryen palla? Kameh tou len an o Israeleskro vast te dell?” O Devel rakras ko dives gar o Sauleha.

1. Samuel 15:17

Oun o Samuel penas: “Hi gar yaake? Har hals tikno an tire yaka, val tou o pralstouno pral o Israel. O baro Devel kras, te val o baro ray pral i deesh-te-douy bare familye, kay venna o Israeleskre deesh-te-douy morsh čavendar.

1. Samuel 22:10

Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

1. Samuel 30:7

Oun yob penas ap o rashayeste, o Abyatar, koleskro dad o Ahimelek his: “An mange o rashayeskri damdira!” Oun o Abyatar anas leske o rashayeskri damdira.

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”

1. Samuel 9:21

Koy pre penas o Saul: “Me hom dran o kheer Benyamin. Men hi o tikneder them an Israel. Oun miro dadeskri familya hi i tikneder familya kol familyendar Benyamin. Hoske peneh tou save laba ap mande?”