1. Samuel 10:12 - O Debleskro Lab 2024 (Sinte-Manouche)

¹² Oun yek, kay koy pashel tardo his, penas: “Koon hi kolengro pralstouno?” Doleske vas penlo: Vas o Saul ninna o Debleskro rakepaskro?

O Debleskro Drom 2021 (Sinte)

¹² Un jek, kai koi pashel tardo his, penas: “Koon hi kolengro pralstuno?” Doleske was penlo: Was o Saul ninna o Debleskro rakepaskro?

1. Samuel 10:12 ပူးပေါင်းရင်းမြစ်များ

Jesaja 54:13

O baro Devel sikrell peskro drom tire tsele čavende, oun lenge djal mishto.

Johanni 6:45

An o Debleskro lab činan kol Debleskre rakepangre: O Devel hi o sikepaskro halauterenge. Hakeno, koon ap o dadeste shounella oun krell, hoy yob kamella, vell pash mande.

Johanni 7:16

Penas o Yezous lenge: “Hoy me t'menge penau vell gar mandar. Kova vell kolestar, kay bičras man.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

1. Samuel 10:13

Oun har heras o Saul pre te rakrell o Debleskro rakepen vin, djas lo pre ap koy pralstouni platsa.

1. Samuel 19:23

Oun yob djas koy. Ap peskro drom vas ninna pral leste o Debleskro dourho. Oun yob djas oun rakras o Debleskro rakepen vin, bis te vas yob pash kol khera, kay o Debleskre rakepangre djivenn an o foro Rama.

1. Samuel 19:24

Kote rivas yob ninna peskre koola vin, oun rakras glan o Samuel o Debleskro rakepen vin, oun peras ap i phoub oun his nanges koy čiddo o tselo dives oun i tseli rat. Doleske vell penlo: “Hi o Saul ninna mank o Debleskre rakepangre?”