1. Samuel 1:8 - O Debleskro Lab 2024 (Sinte-Manouche)

⁸ O Elkana, lakro rom, penas ap late: “Hanna, hoske roveh tou? Oun hoske rhah tou či? Oun hoske hi tiro dji yaake phares? Hom me touke gar boudeder moldo har deesh morsh čave?”

O Debleskro Drom 2021 (Sinte)

⁸ O Elkana, lakro rom, penas ap late: “Hanna, hoske roweh tu? Un hoske chah tu tchi? Un hoske hi tiro dji jaake phares? Hom me tuke gar budeder moldo har deesh mursh tchawe?”

1. Samuel 1:8 ပူးပေါင်းရင်းမြစ်များ

2. Rajengro liil 8:12

Koy poučas o Hasael: “Hoske rovell miro ray?” Yob penas: “Me djinau, hoy tou kol Israelentsa kreh: Tou rhačreh lengre forya pre, oun lengre terne morshen deh o rhareha moulo, oun lengre terne čaven mareh tou ninna, oun kol djouvyen čineh tou pre, kay an vavar koova hi.”

Hiob 6:14

Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

Jesaja 54:1

Yerusalem, tou hal har i djouvel, kay kek čave nay lell, kanna gib, tou, kay kek čaves ap i phoub anal, ab barhtelo, gib oun de gole i barhtyatar! O baro Devel penell touke: Tou, koy moukli djouvel, tout venn boudeder čave har kolat, kay romedino hi.

Jesaja 54:6

Tou hal har i djouvel, kay mouklo vas, oun kolakro dji ratell. Kanna dell tout tiro baro Devel pash peste gole oun penell: Har nay tradoms miri romyat krik, kolat vin rodom, har terno homs?

Johanni 20:13

“Hoske roveh tou, romniya?” poučan kol bolepangre i Mariatar. “Yon lan miro rayes krik,” penas li, “oun me djinau gar, kay yon les čivan.”

Johanni 20:15

Koy penas o Yezous ap late: “Romniya, hoske roveh tou? Kones rodeh tou?” I Maria patsas: Yob hi kova, kay boudrell an i baar. Doleske penas li: “Romeha, te anal tou les krik, pen mange, kay tou les čival, te djap koy, oun lap les pale!”

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Ruth 4:15

Oun yob krell tiro djipen barhteles, oun dell yak, te djal touke mishto, te veh phouro. Tiro čaveskri romni, kay tout peskro tselo djiyeha kamell, anas les ap i phoub. Koya hi touke boudeder moldo har efta čave.”

1. Samuel 1:7

Oun yaake djas kova hako bersh: Te djan le pre pash o baro Debleskro kheer, doukras i Peninna lat yaake. Palle rovas i Hanna oun rhas či.