1. Rajengro liil 9:20 - O Debleskro Lab 2024 (Sinte-Manouche)

^20-21 I tsele menshe, kay pral ačan kolendar, kay glan i Israelitarya an o them djivan, oun kolen i Israelitarya nay maran gar, kolengre čave, kay pal lende van, kolen las o Salomo, te venn le leskre boudepangre, kay hounte boudrenn leske. Kova hi ninna kava dives yaake. Yon his Amorarya, Hetarya, Perisarya, Hivarya, oun Yebousarya.

O Debleskro Drom 2021 (Sinte)

^20-21 I tsele menshe, kai pral atchan kolendar, kai glan i Israelitarja an o them djiwan, un kolen i Israelitarja nai maran gar, kolengre tchawe, kai pal lende wan, kolen las o Salomo, te wenn le leskre budepangre, kai hunte budrenn leske. Kowa hi ninna kau diwes jaake. Jon his Amorarja, Hetarja, Perisarja, Hiwarja, un Jebusarja.

1. Rajengro liil 9:20 ပူးပေါင်းရင်းမြစ်များ

1. Rajengro liil 5:15

Oun o Hiram, ko baro ray o forestar Tirus – yob his hako tsiro i lačo maal o Davidestar – yob shounas, kay vas o Salomo o baro ray pal leskro dadeste, o David. Oun yob bičras peskre bičepangre pash o Salomo.

1. Rajengro liil 9:19

oun i tsele forya, kay leskre djobengre khera his, oun i forya, kay leskre vourdya oun leskre graya tarde his, oun lauter, hoy yob kamas te krell an o foro Yerusalem, ninna an o them Libanon, oun an o tselo them, koleskro ray yob his.

1. Familjakro liil 1:15

oun i Hivarya, i Arkarya, oun i Sinarya,

1. Familjakro liil 22:2

Oun o David moukas i vi-themaryen khetne te vell, kay djivenn an o them Israel. Oun yob das len koy boudi, te denn le barra o khereske o baro Deblestar.

Esra 2:55

I familye kolendar, kay boudran o baro rayeske Salomo: Sotay, Soferet, Perouda,

Esra 2:58

I tsele boudepangre, kay boudran an o Debleskro kheer oun kolla, kolengre phoure o Salomeske boudran, his khetne 392 (triin-sheel-te-enya-deesh-te-douy).

2. Mose 23:23

Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

Josua 11:3

Ninna bičras lo morshen pash i Kanaanitarya, kay djivenn kote, kay o kham pre djala oun kote, kay o kham tele djal pash i Amorarya, pash i Hetarya, pash i Perisarya, pash i Yebousarya ap i berge, pash i Hivarya tele pash i berge Hermon an o them Mispa.

Čačepangre 3:3

I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.

Čačepangre 3:5

Oun yaake djivan i Israelitarya mashkral i Kanaanitarya, i Hetarya, i Amorarya, i Perisarya, i Hivarya oun i Yebousarya.