1. Rajengro liil 9:16 - O Debleskro Lab 2024 (Sinte-Manouche)

¹⁶ [O Farao, ko baro ray pral Egiptia, kouras pes o foreha Geser, las les dren oun rhačras les tele. Oun i Kanaanitaryen, kolla, kay djivan an o foro, moukas lo te marell. Oun yob das ko tselo foro peskri čate, koya his o Salomeskri romni.]

O Debleskro Drom 2021 (Sinte)

¹⁶ [O Farao, ko baro rai pral Egiptia, kuras pes o foreha Geser, las les dren un chatchras les tele. Un i Kanaanitarjen, kolla, kai djiwan an o foro, mukas lo te marell. Un job das ko tselo foro peskri tchate, koja his o Salomeskri romni.]

1. Rajengro liil 9:16 ပူးပေါင်းရင်းမြစ်များ

1. Rajengro liil 3:1

Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

1. Rajengro liil 7:8

Oun leskro kheer, kay yob djivas, his čiddo pal ko kheer, kay leskri beshepaskri his, ap i vavar platsa. Kava kheer his yaake kerdo, har kol vavar khera ninna. Oun yob moukas ninna savo kheer te krell peskri romyake. Koya his i čay o baro rayestar pral o them Egiptia.

1. Rajengro liil 9:24

Oun koy čay o Faraestar tserdas vin dran o Davideskro foro, oun vas an lakro kheer, hoy o Salomo moukas lake te krell. Koy pal moukas lo ko turmo te krell, hoy kharell Millo.

Josua 10:33

An kava tsiro djas o baro ray pral o foro Geser, o Horam pre, te vell lo ap i rig kolendar, kay djivenn an o foro Lakish. Ninna les oun leskre lourden maras o Yosua yaake, te nay ačas kek lendar.

Josua 16:10

Oun yon tradan i Kanaanitarya gar vin, hoy an o foro Geser djivan. Oun i Kanaanitarya djivenn mashkral i Efrayimarya bis ap kava dives. Oun yon hounte boudran lenge.