1. Rajengro liil 8:9 - O Debleskro Lab 2024 (Sinte-Manouche)

⁹ Oun an ko morhton his či dren, har kokres kol douy barra, hoy o Mose dren čivas pash i berga Horeb. An lende his o baro Debleskre deesh laba dren činlo, hoy i Israelitarya hounte rikrenn. Kova kras lo lentsa vin, har yon vin van dran o them Egiptia.

O Debleskro Drom 2021 (Sinte)

⁹ Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

1. Rajengro liil 8:9 ပူးပေါင်းရင်းမြစ်များ

1. Rajengro liil 8:21

Oun me čivom kote ko morhton dren, kay kol douy barra dren hi, kay o Debleskre deesh laba dren činlo hi, hoy yob mare phourende das, te rikrenn le pen ap lende. Kolen das lo len an ko tsiro, kay yob anas len dran o them Egiptia vin.”

2. Familjakro liil 5:10

Oun an ko morhton his či dren, har kokres kol douy barra, hoy o Mose dren čivas pash i berga Horeb. An lende his o baro Debleskre deesh laba dren činlo, hoy i Israelitarya hounte rikrenn. Kova kras lo lentsa vin, har yon vin van dran o them Egiptia.

2. Familjakro liil 5:9

Oun i hidjepangre kashta his yaake lengsto, kay lengre palstoune kotya nay diklo van an koy glanstouni isema, hoy hi glan i palstouni isema. Foun vin nay van le gar diklo. Oun kote his o morhton bis ap kava dives.

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 14:24

Sik taysarlakro, har o kham gomme gar pre djas, dikas o baro Devel dran koy yagakri folka tele ap i tsele Egiptikre lourdende oun čivas i daar ap lende.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 16:33

Oun o Mose penas ap o Aroneste: “Le i khoro oun čip yaake boud Manna dren, har yek morsh ap yek dives rhal. Oun čip ko khoro glan o baro Debleste tardo, te dikenn les t'mare čave, kay pal t'mende venna.”

2. Mose 25:16

An ko morhton čip kol douy barra kol deesh labentsa, hoy me tout dau.

2. Mose 25:21

Čip o pralstouno kotar pral ap o morhton. Oun an o morhton čip i douy barra kol deesh labentsa, hoy me tout dau.

2. Mose 40:20

Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

4. Mose 17:10

“Djan vin kol menshendar. Me kamau len ap yek kopo te marell.” Oun kol douy vitsran pen ap pengro mouy.

4. Mose 9:15

Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

5. Mose 31:26

“Lenn kava čačepaskro liil, oun čivenn les ap i rig pash o morhton, kay o baro Debleskre deesh laba dren hi, te sikrell lo len, hoy vella, te rikrenn le pen gar ap kol laba.

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.