1. Rajengro liil 8:65 - O Debleskro Lab 2024 (Sinte-Manouche)

⁶⁵ Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

O Debleskro Drom 2021 (Sinte)

⁶⁵ Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

1. Rajengro liil 8:65 ပူးပေါင်းရင်းမြစ်များ

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

1. Rajengro liil 8:2

Oun i tsele morsha dran Israel van khetne pash o baro rayeste, o Salomo, an kol bare divessa an o eftato čon. Kova hi o čon, hoy kharell Etanim.

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

2. Rajengro liil 14:25

O Yerobeam las kol themeskre kotya pale dren, hoy vavar lenge krik lan, yaake te vas o them Israel pale khetne, ko forestar Hamat bis pash o Londo Baro Pani. Yaake vas čačo, hoy penas o baro Devel, o Israeleskro Devel, ap peskro boudepaskro, o Yona, koleskro dad o Amitay his, dran o foro Gat-Hefer. Oun o Yona, ko Debleskro rakepaskro, penas kova i Israelenge doureder.

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

2. Rajengro liil 23:33

O Farao Neko čivas les stildes an o foro Ribla an o them Hamat, te ačell lo bouder gar baro ray an o foro Yerusalem. Oun yob čivas i siyaan ap o them: 70 (efta-deesh) centnarya roup oun 35 (triyanda te panč) kilogramme sonakay.

1. Familjakro liil 1:16

oun i Arvadarya, i Zemararya, oun i Hamatarya.

1. Familjakro liil 13:5

Yaake moukas o David i tsele Israelitaryen khetne gole te dell, kotar, kay o pani Sihor hi an o them Egiptia, bis kotar, kay djal pash o foro Lebo-Hamat, te lenn le ko morhton o deesh labentsa o Deblestar dran o foro Kiryat-Yearim.

2. Familjakro liil 30:13

Oun an o foro Yerusalem van boud menshe khetne, te rikrenn le kol bare divessa, kay rhan le mare, kay kek shoutlo yarro dren hi. Oun an o douyto čon his boud boud menshe kote khetne.

2. Familjakro liil 30:23

Pal kol divessa kran le vin, te ačenn le vavar efta divessa khetne. Oun ninna an kal efta divessa rhan oun piyan le oun his barhteles khetne.

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

Jesaja 27:12

I tsiro vella, kay lell o baro Devel peskre menshen khetne dran o tselo them mank o pani Eufrat oun o them Egiptia. Yob rodell len vin har yek o tikno djob vin rodell dran o phouss, yek pal o vavar.

Ezekiel 47:19

Oun ap koy rig, kay o kham pralstounes tardo hi, djal o them Israel foun o foro Tamar bis pash o pani, hoy kharell Meriba-Kadesh, oun doureder langs ko tikno pani, hoy nashell mank Israel oun Egiptia, bis pash o Mashkralstouno Baro Pani. Yaake dour djal o them Israel ap koy rig, kay o kham pralstounes tardo hi.

Amos 6:14

“Doleske”, penell o baro Devel, ko ray pral o bolepen oun i phoub, “bičrau i natsyona, hoy djal ap t'mende, kay han dran o kheer Israel. Kolla menshe lenn t'maro them dren foun Lebo-Hamat bis pash o lengsto pani an o telstouno them.”

Amos 6:2

[T'mer penenn ap i menshende:] Djan an o foro Kalne! Oun dikenn, har ko foro hi! Oun kotar djan doureder pash o baro foro Hamat! Palle djan tele pash i Filistarya an o foro Gat! Hi le zorleder har kal themma Youda oun Israel? Hi lengro them bareder har t'maro them? Na-a!

4. Mose 34:5

Foun Azmon djal ko them bis pash koy tala, pal late o them Egiptia hi, oun doureder bis pash o Mashkralstouno Baro Pani.

4. Mose 34:8

Oun kotar doureder bis kote, kay djal an Hamat, oun doureder pash Zedad,

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;

Josua 13:5

oun ko tselo them, kay i Gebalarya djivenn, oun kote, kay o kham pre-djal kol tsele berge, kay kharenn Libanon, foun o foro Baal-Gad, hoy tella pash i berga Hermon čiddo hi, bis tele ap o drom, hoy an Lebo-Hamat djal;

Josua 15:1

Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

Josua 15:4

oun doureder bis Azmon. Foun Azmon djas ko drom bis an koy tala, pal late o them Egiptia hi, oun an i tala doureder bis pash o Mashkralstouno Baro Pani. Yaake dour djas o them ap koy rig, kay o kham pralstounes tardo hi.

Josua 19:35

Oun an o them Naftali his kal zorele forya: Siddim, Zer, Hammat, Rakkat, Génésareth,

Čačepangre 3:3

I panč raya pral i Filistarya, i tsele Kanaanitarya oun i Sidonarya oun i Hivarya, kay ap i berge Libanon djivan mank i berga Baal-Hermon oun Lebo-Hamat.