1. Rajengro liil 8:6 - O Debleskro Lab 2024 (Sinte-Manouche)

⁶ Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

O Debleskro Drom 2021 (Sinte)

⁶ Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

1. Rajengro liil 8:6 ပူးပေါင်းရင်းမြစ်များ

2. Samuel 6:17

Har yon o Debleskro morhton dren anan, čivan yon les ap leskri platsa mashkral an o plarhteno kheer, hoy o David leske pre čivas. Oun o David rhačras firhen o baro Debleske, oun maras vavar firhen, te rhan le len khetne glan o baro Debleste.

2. Samuel 6:2

Oun djas lentsa an o foro Baala, an ko them Youda, te anell yob kotar o Debleskro morhton vin, kay o Debleskre deesh laba dren hi. Ko morhton vas kharedo pal o baro Debleste, ko rayeste pral o bolepen oun i phoub. Kova hi beshdo pral i bolepangre, kay kharenna Keroubim.

1. Rajengro liil 6:16

Oun deesh metarya glan i palstouni massouri kras yob i vavar massouri dran cedertikre kashta. Kay massouri djas foun tel bis pral. Yaake kras lo an o kheer i kouč isema o baro Debleske, hoy leske kokres his.

1. Rajengro liil 6:19

Oun mashkral an o kheer kras lo koy isema, kay te vell koy morhton čiddo, kay o baro Debleskre deesh laba dren his.

1. Rajengro liil 6:27

Oun o Salomo čivas len mashkral an i kouč isema, yek langs i vavar. Oun lengre moussya his yaake bourhles, te djas koy moussi yekestar bis ap koy yek massouri oun koy moussi o vavarestar bis pash koy vavar massouri. Mashkralstounes van i moussya khetne.

1. Rajengro liil 8:3

Oun har i tsele phoureder dran Israel khetne his, hadan i rashaya o morhton kol deesh labentsa o baro Deblestar pre,

1. Rajengro liil 8:4

oun hidjran les an o Debleskro baro kheer. Ninna anan le o Debleskro plarhteno kheer koy, oun ko tselo Debleskro koova, hoy koy dren his. Kova kran i rashaya oun i Levitarya.

1. Rajengro liil 8:7

Kal Keroubim kran pengre moussya bourhles pral koy platsa, kay o morhton tardo his, oun čakran yaake o morhton oun leskre hidjepangre kashta.

1. Familjakro liil 22:19

Kanna denn t'maro djipen oun t'maro dji o baro Debleste, kay t'maro Devel hi! Oun stenn pre oun krenn leske i kheer, kay leske kokres hi. Kote te vell o morhton o baro Debleskre deesh labentsa dren čiddo, ninna ko vavar Debleskro koova. Kava kheer krenn t'mer, te vell o baro Devel sharedo.”

2. Familjakro liil 5:7

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 80:2

Shoun ap mende, tou, kay deh yak ap i Israelende. Har i bakrengro yak dell ap peskre bakre, deh tou yak ap o Yosefeskre čavende. Tou, kay hal beshdo pral i keroubim, ab, oun sike tout

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

2. Mose 37:9

Oun kol bolepangre hadan pengre moussya pre oun čakran lentsa o pralstouno kotar. Oun lengre shere dikan pen an. Oun lengre yaka dikan tella ap o pralstouno kotar.

Jesaja 37:16

“Baro Devel, tou ray pral o bolepen oun i phoub, tou hal o Israeleskro Devel, oun hal pral i bolepangre beshdo. Tou kokres hal o Devel pral i tsele themma ap kay phoub. Tou kral o bolepen oun i phoub.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Ezekiel 41:4

Oun yob ginas tele, har baro koy tseli palstouni isema dren hi: Koya his 10 metarya baro oun deesh metarya bourhlo, yaake bourhlo har koy bari isema ninna hi. Oun yob penas ap mande: Kaya hi o Debleskri kouč isema.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.