1. Rajengro liil 8:56 - O Debleskro Lab 2024 (Sinte-Manouche)

⁵⁶ Sharedo vell o baro Devel! Yob das peskre menshende i kotar phoub, kay mer nay djivah kek daryah, yaake har yob kova penas. Leskre tsele lače laba rikras yob, har yob penas menge dran o mouy o Mosestar, koles leskro čačo vast his.

O Debleskro Drom 2021 (Sinte)

⁵⁶ Sharedo well o baro Dewel! Job das peskre menshende i kotar phub, kai mer nai djiwah kek darjah, jaake har job kowa penas. Leskre tsele latche laba rikras job, har job penas menge dran o mui o Mosestar, koles leskro tchatcho wast his.

1. Rajengro liil 8:56 ပူးပေါင်းရင်းမြစ်များ

2. Rajengro liil 10:10

Ap kova dikenn t'mer, kay lauter yaake vas, har o baro Devel pral o Ahabeskro kheer penas. O baro Devel kras kova, hoy yob moukas peskro boudepaskres o Eliya glan-vi te penell.”

1. Familjakro liil 16:36

Sharedo vell o baro Devel, kay o Israeleskro Devel hi, kanna oun hako tsireske! Oun i tsele menshe penan: “Amen! Sharedo vell o baro Devel!”

1. Familjakro liil 22:9

Dik, i čavo vell touke boldo, yob vell i morsh, kay djinell kek kourepen. Me krau te kourell pes kek leha kolendar halauterendar, kay troul t'mende djivenn. Yaake rah har yob djivell, nay djivenn i Israelitarya kek kourepah oun marepah. Doleske de les o lab Salomo.

2. Familjakro liil 14:6

Oun yob penas ap i menshende an o them Youda: “Mer krah kal forya zoreles, oun krah massurya troul lende oun turme oun bare voudya oun zorele pandepangre, yaake rah har o them maro hi. Mer rodam o baro Debles, kay maro Devel hi, oun yob kras, te nay djivas an o lačepen kal thementsa troul mende.” Oun yaake kran le pen ap i boudi. Oun lenge djas mishto, te krenn le i forya zoreles.

2. Mose 18:10

Oun o Yetro penas: “Me sharau o baro Debles, kay las t'men vin dran o vast i Egiptarendar oun dran o vast o Faraestar.

Louka 21:33

O bolepen oun i phoub ačenna gar. Mire laba ačenn hako tsiro.”

5. Mose 12:10

Te djan vergel o pani Yordan oun djivenn an ko them, hoy t'maro baro Devel t'men dell te venn kote khere, nay krell kek t'men kote čilačepen, oun kek rodell kourepen t'mentsa.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

5. Mose 3:20

T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.