1. Rajengro liil 8:46 - O Debleskro Lab 2024 (Sinte-Manouche)

⁴⁶ Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

O Debleskro Drom 2021 (Sinte)

⁴⁶ Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

1. Rajengro liil 8:46 ပူးပေါင်းရင်းမြစ်များ

1. Rajengro liil 8:45

palle shoun lengro mangepen! Ava, tou an o bolepen, shoun oun le lengro koova an tiro vast!

2. Rajengro liil 17:18

Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.

2. Rajengro liil 17:23

Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

2. Familjakro liil 6:36

Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

Gosewe laba 20:9

Koon nay penell pestar: Me rikrom miro dji djoudjes, man hi kek doosh?

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:23

Lauter kran o čilačepen oun van pale-čiddo glan o Debleste.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.