1. Rajengro liil 8:37 - O Debleskro Lab 2024 (Sinte-Manouche)

³⁷ Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

O Debleskro Drom 2021 (Sinte)

³⁷ Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

1. Rajengro liil 8:37 ပူးပေါင်းရင်းမြစ်များ

1. Rajengro liil 8:38

koon palle peskro tselo djiyeha toutar mangella, nay vell yek, nay venn boudeder, nay vell o tselo Israel, oun an peskro djiyeskri douk rikrell lo peskre vasta ap kay rig, kay kava kheer hi,

1. Familjakro liil 21:12

“Kameh tou, te vell triin bersh i bari bok? Kameh, te nashess triin čon kolendar krik, kay kamenn tout te marell oun lenn tout o rhareha palla? Kameh, te vell triin divessa i baro nasslepen an o them? Kava nasslepen hi o baro Debleskro rharo, oun leskro bolepaskro marell boud menshen an o tselo them Israel. Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

2. Familjakro liil 20:9

Te vell pral mende i bibarht, nay vell i baro kourepen, i phagi, i djoungelo nasslepen, i bari bok, palle kamah glan toute te vell glan kava kheer, kay tou veh an-mangedo, te das mer i bari gole ap toute. Oun palle shouneh tou oun leh men vin dran koy bibarht, hoy pral mende vas.

Debleskri gili 78:46

Lengro djob rhan i stepangre pre. Kolla rhan lauter, hoy ap lengri phoub bares vas.

Debleskri gili 91:3

O baro Devel dell yak ap toute, te peress gar an i dorya, hoy čivell kova touke, kay kamell tout te taprell. Ninna lell o Devel tiro djipen vin dran o nasslepen, hoy anell an o merepen.

Jeremia 32:2

An ko tsiro his i lourde o baro rayestar dran o them Babilonia troul o foro Yerusalem tardo. Oun o Debleskro rakepaskro, o Yeremia, vas pandles ap i lourdengri platsa rikedo. Koy platsa his pash o kheer o baro rayestar pral o them Youda čiddo.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.