1. Rajengro liil 8:23 - O Debleskro Lab 2024 (Sinte-Manouche)

²³ oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

O Debleskro Drom 2021 (Sinte)

²³ un penas: Baro Dewel, tu o Dewel pral o Israel, kek dewel hi har tu pral an o bolepen, witar gar tele ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

1. Rajengro liil 8:23 ပူးပေါင်းရင်းမြစ်များ

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

2. Samuel 7:22

Baro Devel, miro ray, har baro hal tou! Kek hi yaake har tou! Oun dell kek devel har tou, pal lauter, hoy mer mare kandentsa shounam.

1. Rajengro liil 2:4

Oun o baro Devel moukell peskro lab čačo te vell, hoy yob ap mande rakras, har lo penas: Te denn tire čave garda ap pengre dromma, te djivenn yon pengro tselo djipen glan mande, oun rikrenn ap mande pengro tselo djiyestar oun pengri tseli zoryah, palle hi an hako tsiro yek tire čavendar o baro ray pral Israel.

1. Rajengro liil 3:6

Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

1. Rajengro liil 6:12

“Tou te kreh, hoy toutar kamau oun djiveh pal miro čačepen oun rikreh mire tsele laba, palle vell miro lab čačo an tiro djipen, ko lab, hoy me rakrom tiro dadeha, o Davideha,

1. Rajengro liil 8:24

Tou rikral tiro lab, hoy dal miro dadeske, o Davideske, kay touke koy his. Tou kral, te vas halauter yaake har tou penal. Halauter nay dikenn kova ap kava dives.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Esra 1:3

Koon kanna mank t'mende leskre menshendar hi, koleha te vell peskro Devel! Oun yob nay djal pral an o foro Yerusalem an o them Youda, oun nay čivell o baro Debleskro kheer pre! Kova hi o Israeleskro Devel. Oun yob rodas peske o foro Yerusalem vin, te vell lo kote an-mangedo.

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Debleskri gili 113:5

Koon an o bolepen oun ap i phoub hi yaake har maro baro Devel?

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 86:8

Miro ray, dell kek debles har tout. Kek nay krell kova, hoy tou kreh.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Jesaja 40:18

Koon hi har o Devel? Hi čomone yaake har yob?

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 10:6

Baro Devel, kek hi har tou hal! Tou hal baro oun zorelo! Oun tiri bari zoor dikan i menshe.

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Louka 1:72

Les his i baro dji mare phourenge oun bistras gar kova, hoy yob lentsa an o phouro tsiro vin kras oun peskro vast pre das.

5. Mose 7:12

Te shounenn t'mer leskro čačepen, oun rikrenn t'men ap leskre laba, oun djivenn pal lende, palle rikrell t'maro baro Devel, hoy lo t'mare phourentsa vin kras, oun peskro vast pre das, oun vell t'menge lačes.

5. Mose 7:9

Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.