1. Rajengro liil 7:51 - O Debleskro Lab 2024 (Sinte-Manouche)

⁵¹ Har o tselo Debleskro kheer kerdo vas oun kova, hoy dren his, hoy moukas o ray Salomo te krell, moukas lo ko koova te anell, hoy peskro dad, o David, o baro Debleske das. Ko roup oun sonakay oun ko tselo koova čivas lo an o baro Debleskro kheer, an koy isema, kay o bravlepen his.

O Debleskro Drom 2021 (Sinte)

⁵¹ Har o tselo Debleskro kheer kerdo was un kowa, hoi dren his, hoi mukas o rai Salomo te krell, mukas lo ko koowa te anell, hoi peskro dad, o David, o baro Debleske das. Ko rup un sonakai un ko tselo koowa tchiwas lo an o baro Debleskro kheer, an koi isema, kai o brawlepen his.

1. Rajengro liil 7:51 ပူးပေါင်းရင်းမြစ်များ

1. Rajengro liil 15:15

Oun ko roup oun sonakay oun ko vavar koova, hoy leskro dad o baro Debleske anas, oun hoy yob o baro Debleske anas, kova anas lo halauter an o baro Debleskro kheer.

1. Rajengro liil 6:14

Oun o Salomo kras ko tselo kheer yaake. Har i massurya kerdo his,

1. Rajengro liil 6:9

Yaake kran o Salomeskre boudepangre ko tselo kheer. Oun ap o kheer moukas lo cedertikre kashta te čivell, yek langs o vavar.

2. Rajengro liil 25:15

Ninna kol yagakre čare oun kol bare čare, kay o rat dren nashell, halauter, hoy dran sonakay oun roup kerdo vas, las ko pralstouno, o Nebousaradan, krik.

2. Familjakro liil 5:1

Har o tselo Debleskro kheer kerdo vas oun kova, hoy dren his, hoy moukas o ray Salomo te krell, moukas lo ko koova te anell, hoy peskro dad, o David, o baro Debleske das. Ko roup oun sonakay oun ko tselo koova čivas lo an o Debleskro kheer, an koy isema, kay o bravlepen his.

2. Familjakro liil 8:15

Oun kek kras čomone vavar har kova, hoy o baro ray, o David, penas pral i boudi i rashayendar oun i Levitarendar. Oun ninna vas o bravlepah an o Debleskro kheer yaake kerdo har yob les penas.

Esra 6:15

Oun koy tseli boudi vas kerdo ap o triinto dives an o čon Adar. Kova his, har o Darius an o shobto bersh o baro ray his.

2. Mose 40:33

Oun troul o kheer oun i sasterni rhačepaskri čivas lo i pesse kashta pre oun pandas kol layntikre kotya mank lende, te vas i platsa. Oun an o voudar glan i platsa čivas lo koy bari plarhta. Yaake kras o Mose koy tseli boudi.

Zakarie 4:9

Oun yob poučas: “Djineh gar, hoy kolla hi?” Me penom: “Na-a, miro ray.”