1. Rajengro liil 7:40 - O Debleskro Lab 2024 (Sinte-Manouche)

⁴⁰ Oun o Houram kras ninna pirya, bare roya, oun čare. Oun yaake kras lo halauter, hoy o ray Salomo lestar kamas, te krell lo o baro Debleskro khereske.

O Debleskro Drom 2021 (Sinte)

⁴⁰ Un o Huram kras ninna pirja, bare roja, un tchare. Un jaake kras lo halauter, hoi o rai Salomo lestar kamas, te krell lo o baro Debleskro khereske.

1. Rajengro liil 7:40 ပူးပေါင်းရင်းမြစ်များ

1. Rajengro liil 7:28

Kal vourdya his yaake kerdo, te his len lengste sane kotya lolo saster pral oun tele ap lengre rigya. Oun ninna lengste sane kotya lolo saster djan foun tel bis pral.

1. Rajengro liil 7:39

Oun yob čivas panč vourdya ap i čači rig o kherestar. Oun kol vavar panč vourdya čivas lo ap i servi rig. O baro thopaskro čaro moukas lo ap i čači ekka glan o kheer te anell, ap koy rig, kay o kham pralstounes hi.

1. Rajengro liil 7:41

Kava koova his: kol douy turme oun lengre sherya; kol douy shoukar pandepen dran shelle, hoy ap i sherya his;

1. Familjakro liil 18:8

Oun boud lolo saster las lo dran i forya Tibhat oun Koun. Kal forya his an o them, kay his o Hadad-Eser o baro ray. Kolestar moukas o Salomo o panyeskro čaro oun kol douy turme oun vavar koola dran lolo saster o Debleskro khereske te krell.

2. Familjakro liil 4:6

Oun yob kras deesh bare panyeskre pirya. Oun panč kolendar čivas lo ap i čači rig oun panč kolendar ap i servi rig, te nay thovenn le kol kotya mass, hoy o Debleske rhačedo venn. O baro thopaskro čaro moukas lo koy te čivell, te nay thovenn pen i rashaya koy dren.

2. Familjakro liil 4:8

Oun yob kras deesh rhapangre oun čivas len ninna an o kheer, panč ap i čači rig oun panč ap i servi rig. Oun yob kras sheel sonakangre čare.

2. Mose 24:6

Oun o Mose las o rat oun čoras yek paash an čare. Oun o vavar paash čoras lo ap i rhačepaskri, kay i firhe rhačedo van o Debleske.

2. Mose 27:3

Kre ninna kol tsele koola dran saster, kolentsa boudrenn le ap o Debleskri rhačepaskri: pirya, an kolende i yagakri čik dren vella, bare roya, čare, kay o rat dren vella, massengre forshette, yagakre čare.