1. Rajengro liil 7:36 - O Debleskro Lab 2024 (Sinte-Manouche)

³⁶ Oun o Houram moukas ap i tapepangre oun ap i sane kotya lolo saster, kote kay platsa his, figuren dren te činell: Keroubim, leve oun palmtikre rouka. Oun troul halauter his shoukar shelle dran lolo saster pandlo.

O Debleskro Drom 2021 (Sinte)

³⁶ Un o Huram mukas ap i tapepangre un ap i sane kotja lolo saster, kote kai platsa his, figuren dren te tchinell: Cherubim, lewe un palmtikre ruka. Un trul halauter his shukar shelle dran lolo saster pandlo.

1. Rajengro liil 7:36 ပူးပေါင်းရင်းမြစ်များ

1. Rajengro liil 6:29

Oun an i tsele massurya an o Debleskro kheer moukas lo dren oun vin shoukar koova dren te činell, hoy vin dikas har bolepangre, palmtikre rouka oun bloume.

1. Rajengro liil 6:32

Ninna an kol douy kotya an o voudar moukas lo shoukar koova dren te činell: bolepangre oun palmtikre rouka oun bloume; oun moukas sonakay koy pral te tserdell.

1. Rajengro liil 6:35

Oun an kol voudya moukas lo pale shoukar koova dren te činell: bolepangre, palmtikre rouka oun bloume, oun tserdas pral halauter sonakay.

1. Rajengro liil 7:29

Oun ap i rigya mashkral kal lengste sane kotya lolo saster his leve, groumya oun bolepangre, kay kharenna Keroubim. Oun pral oun tele kal levendar oun groumyendar his shoukar shelle dran lolo saster pandlo.

1. Rajengro liil 7:35

Oun pral ap hako vourdin his i sano kotar lolo saster troul o tselo vourdin. Kova his 25 (biish-te-panč) centimetarya bourhlo. Ap leste his tapepangre o vasteske.

1. Rajengro liil 7:37

Oun yob kras deesh save vourdya. Hakeno his dran yek kotar kerdo. Halauter his emligo baro oun dikan emliges vin.

Ezekiel 10:14

Oun hakenes kol bolepangrendar his i shero, kay his ap hake star rigya yaka oun i mouy. Ap i glanstouni rig dikas lo vin har i bolepaskro, ap i douyti rig har i mensho, ap i triinti rig har i levo, ap i starti rig har i adlari.

Ezekiel 40:31

Oun i voudareskri halla djas bis pash i bari glanstouni platsa. Oun an lakri massurya his palmtikre rouka dren dino. Orhta stufe djan kote pre.

Ezekiel 40:37

Oun koy voudareskri halla djas bis pash koy bari glanstouni platsa. Oun an lakre massurya his palmtikre rouka dren činlo. Orhta stufe djan kote pre.