1. Rajengro liil 7:29 - O Debleskro Lab 2024 (Sinte-Manouche)

²⁹ Oun ap i rigya mashkral kal lengste sane kotya lolo saster his leve, groumya oun bolepangre, kay kharenna Keroubim. Oun pral oun tele kal levendar oun groumyendar his shoukar shelle dran lolo saster pandlo.

O Debleskro Drom 2021 (Sinte)

²⁹ Un ap i rigja mashkral kal lengste sane kotja lolo saster his lewe, grumja un bolepangre, kai kharenna Cherubim. Un pral un tele kal lewendar un grumjendar his shukar shelle dran lolo saster pandlo.

1. Rajengro liil 7:29 ပူးပေါင်းရင်းမြစ်များ

1. Mose 3:24

Oun o Devel tradas len vin. Glan i baar Eden, ap koy rig, kay o kham pre djal, čivas o Devel bolepangre i rhareha, hoy rhačella oun djal yek rigyatar ap i vavar, te denn le garda, te djal kek pash ko rouk, hoy della o djipen.

1. Rajengro liil 6:27

Oun o Salomo čivas len mashkral an i kouč isema, yek langs i vavar. Oun lengre moussya his yaake bourhles, te djas koy moussi yekestar bis ap koy yek massouri oun koy moussi o vavarestar bis pash koy vavar massouri. Mashkralstounes van i moussya khetne.

1. Rajengro liil 7:25

Tardo his ko thopaskro čaro ap 12 (deesh-te-douy) groumya dran lolo saster. Kolendar dikan triin ap i servi rig, triin ap i palstouni rig, triin ap i čači rig oun triin ap i glanstouni rig. Lengre palstoune herya his mashkral tel o thopaskro čaro. Kova his tardo ap lengre dume.

1. Rajengro liil 7:28

Kal vourdya his yaake kerdo, te his len lengste sane kotya lolo saster pral oun tele ap lengre rigya. Oun ninna lengste sane kotya lolo saster djan foun tel bis pral.

1. Rajengro liil 7:30

Oun hako vourdin his tardo ap star rade dran lolo saster. Kolen his douy akse dran lolo saster. Oun pral ap kol star ekke his hidjepangre pire, yek piro vergel ko vavar, te hidjrenn le i baro panyeskri piri.

2. Mose 25:18

Kre ninna douy bolepangre, hakeno dran yek kotar sonakay. Oun čip ko yek glan ap o pralstouno kotar oun ko vavar palla ap o pralstouno kotar!

2. Mose 37:7

Oun yob kras douy bolepangre, hakenes dran yek kotar sonakay, oun čivas ko yekes glan ap o pralstouno kotar oun ko vavares palla ap o pralstouno kotar.

Ezekiel 1:10

Pash hakeneste kol starendar dikas o shero ap i glanstouni rig vin har i mensheskro shero, ap i čači rig har i leveskro shero, ap i servi rig har i gouroumeskro shero, oun ap i palstouni rig har o shero foun i adlari.

Ezekiel 10:14

Oun hakenes kol bolepangrendar his i shero, kay his ap hake star rigya yaka oun i mouy. Ap i glanstouni rig dikas lo vin har i bolepaskro, ap i douyti rig har i mensho, ap i triinti rig har i levo, ap i starti rig har i adlari.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Hebrearja 9:5

Pral pre ap o sonakaskro morhton his douy rayle bolepangre dran sonakay tardo. Kolen his moussya har bare čirklen hi. Pengre moussya rikran le pral o sonakaskro morhton. Kote vell i menshengri doosh krik lino. Kanna kamah gar te rakras pral hako tikno koova an o Debleskro tikno kheer.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

Debleskro tsiro 5:5

Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”