1. Rajengro liil 7:25 - O Debleskro Lab 2024 (Sinte-Manouche)

²⁵ Tardo his ko thopaskro čaro ap 12 (deesh-te-douy) groumya dran lolo saster. Kolendar dikan triin ap i servi rig, triin ap i palstouni rig, triin ap i čači rig oun triin ap i glanstouni rig. Lengre palstoune herya his mashkral tel o thopaskro čaro. Kova his tardo ap lengre dume.

O Debleskro Drom 2021 (Sinte)

²⁵ Tardo his ko thopaskro tcharo ap 12 (deesh-te-dui) grumja dran lolo saster. Kolendar dikan triin ap i serwi rig, triin ap i palstuni rig, triin ap i tchatchi rig un triin ap i glanstuni rig. Lengre palstune herja his mashkral tel o thopaskro tcharo. Kowa his tardo ap lengre dume.

1. Rajengro liil 7:25 ပူးပေါင်းရင်းမြစ်များ

1. Rajengro liil 7:26

Ko lolo saster foun ko thopaskro čaro his yaake pesso har i vast. Oun leskro mouy his har o mouy i khorestar. Kova dikas vin har i lilya, te djal li pre. An ko thopaskro čaro djan 40.000 (star-deesh-zerya) litarya dren.

1. Rajengro liil 7:44

o baro panyeskro čaro oun i deesh-te-douy groumya koy tel;

2. Rajengro liil 16:17

O baro ray Ahas phagas kol sasterne rigya tele kol tikne vourdyendar, kay i pirya pre tardo his, oun las kol pirya tele. Oun ko thopaskro čaro, hoy ap sasterne groumyende tardo his, las lo tele, oun čivas les ap i barrengri phoub.

Jeremia 52:20

Kolla douy turme, ko baro thopaskro čaro, kol deesh-te-douy groumya, ap kolende ko thopaskro čaro tardo his, oun kol vourdya, kay o baro ray Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.

Ezekiel 1:10

Pash hakeneste kol starendar dikas o shero ap i glanstouni rig vin har i mensheskro shero, ap i čači rig har i leveskro shero, ap i servi rig har i gouroumeskro shero, oun ap i palstouni rig har o shero foun i adlari.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

1. Korintarja 9:9

An o Moseskre lila hi činlo: I groumni, hoy boudrell, te dell li o djob dran o phouss, ma pande lakro mouy! Hi o Debleske i groumni ap o dji čiddo? Na-a!