1. Rajengro liil 7:23 - O Debleskro Lab 2024 (Sinte-Manouche)

²³ Oun o Houram kras i baro thopaskro čaro. Kova his panč metarya lengsto foun yek rig ap i vavar, oun 2,5 (douy-te-paash) metarya foun tel bis pral. Oun i dori, hoy 15 (deesh-te-panč) metarya lengsto hi, djals troul leste trouyel.

O Debleskro Drom 2021 (Sinte)

²³ Un o Huram kras i baro thopaskro tcharo. Kowa his pantch metarja lengsto fun jek rig ap i wawar, un 2,5 (dui-te-paash) metarja fun tel bis pral. Un i dori, hoi 15 (deesh-te-pantch) metarja lengsto hi, djals trul leste trujel.

1. Rajengro liil 7:23 ပူးပေါင်းရင်းမြစ်များ

1. Rajengro liil 7:22

Oun pral ap kol turme van kol sherya pre čiddo, hoy vin dikenn har bloume. Yaake vas kay tseli boudi ap kol turme kerdo.

1. Rajengro liil 7:44

o baro panyeskro čaro oun i deesh-te-douy groumya koy tel;

2. Rajengro liil 16:15

Oun o baro ray Ahas moukas o rashayeske Ouriya te penell: “Ap koy nevi bari rhačepaskri rhače kol firhen, hoy venn taysarlake rhačedo, oun ko rhapen, hoy vell rati rhačedo, ninna kol firhen oun rhapen, hoy anell o baro ray, oun kol tsele firhen oun ko rhapen oun koy mool, hoy anenn i menshe. Oun ko tselo rat i firhendar, kolendar, kay venn rhačedo oun kolendar, kay venn rhalo, ko rat vitse ap koy nevi rhačepaskri. Koy rhačepaskri dran lolo saster lau mange, te rodap an i firhengre bouke, hoy te krap.”

2. Rajengro liil 16:17

O baro ray Ahas phagas kol sasterne rigya tele kol tikne vourdyendar, kay i pirya pre tardo his, oun las kol pirya tele. Oun ko thopaskro čaro, hoy ap sasterne groumyende tardo his, las lo tele, oun čivas les ap i barrengri phoub.

2. Rajengro liil 25:13

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

1. Familjakro liil 18:8

Oun boud lolo saster las lo dran i forya Tibhat oun Koun. Kal forya his an o them, kay his o Hadad-Eser o baro ray. Kolestar moukas o Salomo o panyeskro čaro oun kol douy turme oun vavar koola dran lolo saster o Debleskro khereske te krell.

2. Familjakro liil 4:2

Oun yob kras i baro rundo thopaskro čaro dran lolo saster. Kova his panč metarya lengsto foun yek rig ap i vavar, oun douy-te-paash metarya foun tel bis pral. Oun i dori, hoy 15 metarya lengsto hi, djals troul leste trouyel.

2. Mose 30:17

Oun o baro Devel rakras ap o Moseste oun penas:

2. Mose 38:8

Oun yob kras o thopaskro čaro dran lolo saster oun čivas les ap herya, hoy ninna dran lolo saster hi. Ko lolo saster las lo dran kol blendarya, hoy dan les kol djouvya, kay pash o voudar glan o Debleskro plarhteno kheer pengri boudi kran.

Jeremia 27:19

Kova hi, hoy penell o baro Devel, ko ray pral o bolepen oun i phoub, pral ko koova, hoy pral ačas an o foro Yerusalem: kol bare turme oun ko baro thopaskro čaro, oun kol panyeskre vourdya, oun ko vavar kouč koova an o Debleskro kheer,

Jeremia 52:17

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko baro thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

Jeremia 52:20

Kolla douy turme, ko baro thopaskro čaro, kol deesh-te-douy groumya, ap kolende ko thopaskro čaro tardo his, oun kol vourdya, kay o baro ray Salomo moukas te krell o baro Debleskro khereske, kolla lauter his dran yaake boud lolo saster kerdo, te djinas kek, har phares kova his.