1. Rajengro liil 6:9 - O Debleskro Lab 2024 (Sinte-Manouche)

⁹ Yaake kran o Salomeskre boudepangre ko tselo kheer. Oun ap o kheer moukas lo cedertikre kashta te čivell, yek langs o vavar.

O Debleskro Drom 2021 (Sinte)

⁹ Jaake kran o Salomeskre budepangre ko tselo kheer. Un ap o kheer mukas lo zedertikre kashta te tchiwell, jek langs o wawar.

1. Rajengro liil 6:9 ပူးပေါင်းရင်းမြစ်များ

1. Rajengro liil 6:10

Koy rigyakri isema djas troul o tselo kheer. Foun tel bis pash o mashkralstunepen his li douy-te-paash metarya baro. Oun foun o mashkralstunepen bis pral his li ninna douy-te-paash metarya baro. Oun cedertikre kashtentsa his li pandlo ap o kheer.

1. Rajengro liil 6:14

Oun o Salomo kras ko tselo kheer yaake. Har i massurya kerdo his,

1. Rajengro liil 6:38

Oun an o deesh-te-yekto bersh an o čon Bul, – kova hi o orhtato čon – his o kheer kerdo. Oun lauter his yaake har hounte vals kova. Oun yon boudran efta bersha ap leste.

1. Rajengro liil 6:8

Ap i čači rig o kherestar his i voudar an i rigyakri isema. Kote djas i treppa pre an i isema koy pral, oun kotar doureder an koy pralstouni isema.

1. Rajengro liil 7:51

Har o tselo Debleskro kheer kerdo vas oun kova, hoy dren his, hoy moukas o ray Salomo te krell, moukas lo ko koova te anell, hoy peskro dad, o David, o baro Debleske das. Ko roup oun sonakay oun ko tselo koova čivas lo an o baro Debleskro kheer, an koy isema, kay o bravlepen his.

1. Rajengro liil 9:25

Oun o Salomo anas triin kope an o bersh firhen o Debleske, te venn le rhačedo ap koy rhačepaskri, hoy lo leske kras. Kolla his save firhe, hoy van tseles rhačedo oun save firhe, kolendar rhačran le o thulepen, oun rhan ko vavar mass. Ninna soungepaskro koova rhačras lo glan o baro Debleste. Yaake vas an o kheer kova kerdo, koleske o kheer kerdo vas.

2. Mose 40:33

Oun troul o kheer oun i sasterni rhačepaskri čivas lo i pesse kashta pre oun pandas kol layntikre kotya mank lende, te vas i platsa. Oun an o voudar glan i platsa čivas lo koy bari plarhta. Yaake kras o Mose koy tseli boudi.

Kamlepaskri gili 1:17

Shoukar zorele rouka hi maro kheer, oun rouka boud zenele patyentsa krenn pen bourhles pral mende.