1. Rajengro liil 6:5 - O Debleskro Lab 2024 (Sinte-Manouche)

⁵ Vin troul o kheer ap kol douy rigya oun ap i palstouni massouri moukas lo rigyengre iseme te krell. Kolla djan ap triin dromma yek pral o vavar troul o kheer.

O Debleskro Drom 2021 (Sinte)

⁵ Win trul o kheer ap kol dui rigja un ap i palstuni massuri mukas lo rigjengre iseme te krell. Kolla djan ap triin dromma jek pral o wawar trul o kheer.

1. Rajengro liil 6:5 ပူးပေါင်းရင်းမြစ်များ

1. Rajengro liil 6:16

Oun deesh metarya glan i palstouni massouri kras yob i vavar massouri dran cedertikre kashta. Kay massouri djas foun tel bis pral. Yaake kras lo an o kheer i kouč isema o baro Debleske, hoy leske kokres his.

1. Rajengro liil 6:31

Oun o voudar an o kouč isema his dran douy kotya dran olivtikro kasht. I pesse kashta, hoy čačes oun serves pash o voudar his, kolen his panč rigya.

1. Rajengro liil 6:6

Telstounes his koy isema 2,5 metarya bourhlo. Koy pral his koy isema 3 metarya bourhlo. Oun koy pral his koy isema 3,5 metarya bourhlo. Yaake nay čivan le i kashta ap kol kashta koy tel, oun hounte čivan i kashta gar an i barra o kherestar dren.

1. Familjakro liil 23:28

Yon te venn o Aroneskre čavende pash o vast, pash i boudi an o baro Debleskro kheer, ap kol glanstoune platse, oun an i iseme. Yon hounte krenn ko tselo koova djoudjo, hoy o Debleske hi, oun ninna vavar boudi an o Debleskro kheer.

1. Familjakro liil 28:11

Oun o David das peskro čaves, o Salomo, i liil, kay pre tardo hi, har te krell lo o Debleskro baro kheer: o voudareskri isema, kol glanstoune halle, kol iseme, kay čomone pre garedo vell, kol pralstoune iseme, ninna kol iseme, kay dren hi, oun koy isema, kay o morhton o Debleskre deesh labentsa dren vell.

2. Familjakro liil 31:11

Kote penas o baro ray, o Hiskiya, te venn bare iseme kerdo an o baro Debleskro kheer. Oun yon kran les yaake.

2. Familjakro liil 4:20

i momelengre oun lengre momlia, hoy tardo venn glan o Debleskri kouč isema, yaake har glan-činlo hi – kolla his dran djoudjo sonakay;

2. Familjakro liil 5:7

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

2. Familjakro liil 5:9

Oun i hidjepangre kashta his yaake lengsto, kay lengre palstoune kotya nay diklo van an koy glanstouni isema, hoy hi glan i palstouni isema. Foun vin nay van le gar diklo. Oun kote his o morhton bis ap kava dives.

Nehemia 10:37

Mer anah hako phoureder morsh čaves oun hako firhes, hoy o phoureder peskri datar hi, an maro Debleskro kheer. Ninna i groumyendar oun i bakrendar anah ko phoureder pash kol rashayende, kay boudrenn an maro Debleskro kheer.

Nehemia 12:44

An ko tsiro van morsha vin rodedo, kay yak hounte dan ap kol khera, kay o rhapen dren anlo vas, hoy i Israelitarya yaake hounte dan, har an o Moseskro liil činlo his: nevo djob oun neve roukengre, oun o deshto kotar lauterestar, hoy le ap pengri phoub troul i forya dren anan. Kova lauter his i rashayenge oun i Levitarenge. Oun kol menshe an Youda his barhtelo pral pengre rashaya oun Levitarya,

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

2. Mose 25:22

Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jeremia 35:2

Dja pash i morshende dran o kheer Rekab, rake lentsa oun an len an o baro Debleskro kheer. Dja kote lentsa an yek bari isema dren, oun de len mool te piyell.

Jeremia 35:4

oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

Ezekiel 40:17

Oun yob anas man an i bari glanstouni platsa. Oun troul i glanstouni platsa trouyel djas i barrengro drom. Oun pal o barrengro drom his triyanda tikne iseme tardo troul i glanstouni platsa.

Ezekiel 40:44

Palle anas lo man glan koy tikni glanstouni platsa. Kote dikom douy iseme, kolengre voudya ap koy tikni glanstouni platsa djan. Koy yek isema his pash o nordetikro voudar, oun lakri glanstouni rig sikrell kote, kay o kham pralstounes tardo hi. Oun koy vavar isema his pash ko voudar, hoy kote tardo hi, kay o kham pralstounes hi, oun lakri glanstouni rig sikrell kote, kay norden hi.

Ezekiel 41:4

Oun yob ginas tele, har baro koy tseli palstouni isema dren hi: Koya his 10 metarya baro oun deesh metarya bourhlo, yaake bourhlo har koy bari isema ninna hi. Oun yob penas ap mande: Kaya hi o Debleskri kouč isema.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.