1. Rajengro liil 6:32 - O Debleskro Lab 2024 (Sinte-Manouche)

³² Ninna an kol douy kotya an o voudar moukas lo shoukar koova dren te činell: bolepangre oun palmtikre rouka oun bloume; oun moukas sonakay koy pral te tserdell.

O Debleskro Drom 2021 (Sinte)

³² Ninna an kol dui kotja an o wudar mukas lo shukar koowa dren te tchinell: bolepangre un palmtikre ruka un blume; un mukas sonakai koi pral te tserdell.

1. Rajengro liil 6:32 ပူးပေါင်းရင်းမြစ်များ

1. Rajengro liil 6:18

Foun dren his ko tselo kheer cedertikro kashteha vin čiddo. Kek bar nay vas diklo. Oun an o kasht his melontikre brola oun shoukar bloume dren činlo.

1. Rajengro liil 6:23

Oun yob moukas douy bolepangre te krell, te venn le an kay kouč isema tardo. Kolla his panč metarya baro oun his kerdo dran olivtikro kasht.

1. Rajengro liil 6:29

Oun an i tsele massurya an o Debleskro kheer moukas lo dren oun vin shoukar koova dren te činell, hoy vin dikas har bolepangre, palmtikre rouka oun bloume.

1. Rajengro liil 6:31

Oun o voudar an o kouč isema his dran douy kotya dran olivtikro kasht. I pesse kashta, hoy čačes oun serves pash o voudar his, kolen his panč rigya.

1. Rajengro liil 6:33

Oun yaake kras lo ninna o voudar glan o Debleskro kheer: I pesse kashta, hoy serves oun čačes lestar hi, his dran olivtikro kasht, oun len his star rigya.

2. Familjakro liil 4:22

i čourya, čare o rateske, roya oun pirya, – kolla lauter his dran djoudjo sonakay; kol voudya glan o Debleskri kouč isema oun glan o Debleskro kheer. Kalla his kerdo dran sonakay.

Ezekiel 40:16

Oun an i tikne iseme, hoy his ap kol douy rigya, his tikne vorhya an kol vinstoune massurya. Ninna an i voudareskri halla his vorhya ap lakre douy rigya. Oun dren an kol massurya his palmtikre rouka dren dino.

Ezekiel 41:18

Koy his bolepangre oun palmtikre rouka: yek palmtikro rouk mashkral douy bolepangre. Hako bolepaskres his yaka oun i mouy ap douy rigya: