1. Rajengro liil 6:3 - O Debleskro Lab 2024 (Sinte-Manouche)

³ Oun yob moukas i glanstouni halla glan o kheer te krell: Koya his yaake bourhlo har ko kheer, deesh metarya, oun panč metarya lengsto.

O Debleskro Drom 2021 (Sinte)

³ Un job mukas i glanstuni halla glan o kheer te krell: Koja his jaake buchlo har ko kheer, deesh metarja, un pantch metarja lengsto.

1. Rajengro liil 6:3 ပူးပေါင်းရင်းမြစ်များ

1. Rajengro liil 6:2

Oun o kheer, hoy kras o baro ray Salomo o baro Debleske, his triyanda metarya lengsto, oun deesh metarya bourhlo oun deesh-te-panč metarya baro.

1. Rajengro liil 6:4

Oun yob kras vorhya an o kheer oun kras sasterne kashta glan koy.

1. Rajengro liil 7:12

Troul koy bari platsa his i massouri dran činle barra oun pesse kashta: triin kope činle barra yek ap i vavar, oun koy pral yek kopo cedertikro kasht. Yaake his ninna koy massouri troul i platsa glan o Debleskro kheer kerdo oun koy glanstouni halla glan ko kheer.

1. Rajengro liil 7:21

Oun yob čivas kol douy turme pre glan koy glanstouni halla glan o Debleskro kheer. Ko turmo ap i čači rig moukas lo Yakin te kharell, oun ko turmo ap i servi rig moukas lo Boas te kharell.

1. Familjakro liil 28:11

Oun o David das peskro čaves, o Salomo, i liil, kay pre tardo hi, har te krell lo o Debleskro baro kheer: o voudareskri isema, kol glanstoune halle, kol iseme, kay čomone pre garedo vell, kol pralstoune iseme, ninna kol iseme, kay dren hi, oun koy isema, kay o morhton o Debleskre deesh labentsa dren vell.

Ezekiel 40:48

Oun yob anas man dren an i glanstouni halla o Debleskro kherestar. Oun yob dikas pal, har baro i glanstouni halla hi: Ap haki rig o voudarestar his i massouri 2,5 (douy-te-paash) metarya pesso. O voudar his efta metarya bourhlo. Oun i massurya ap haki rig lestar his 1,5 (yek-te-paash) metarya bourhlo.

Ezekiel 41:15

Oun o morsh dikas pal, har lengsto ko kheer hi, hoy ap koy rig tardo hi, kay o kham tele djal. Khetne peskre massurya ap kol douy rigya his kava kheer 50 metarya lengsto. Oun kol massurya an koy bari isema an o Debleskro kheer oun an i glanstouni halla,

Mateo 4:5

Pal kova anas les o beng an o Debleskro foro. Kova hi o foro Yerusalem. Oun o beng čivas les ap o Debleskro baro kheer pral pre,

Johanni 10:23

O Yezous his an o Debleskro baro kheer, oun djas an koy isema trouyel, hoy kharella Salomeskri isema.