1. Rajengro liil 6:23 - O Debleskro Lab 2024 (Sinte-Manouche)

²³ Oun yob moukas douy bolepangre te krell, te venn le an kay kouč isema tardo. Kolla his panč metarya baro oun his kerdo dran olivtikro kasht.

O Debleskro Drom 2021 (Sinte)

²³ Un job mukas dui bolepangre te krell, te wenn le an kai kutch isema tardo. Kolla his pantch metarja baro un his kerdo dran olivtikro kasht.

1. Rajengro liil 6:23 ပူးပေါင်းရင်းမြစ်များ

1. Mose 3:24

Oun o Devel tradas len vin. Glan i baar Eden, ap koy rig, kay o kham pre djal, čivas o Devel bolepangre i rhareha, hoy rhačella oun djal yek rigyatar ap i vavar, te denn le garda, te djal kek pash ko rouk, hoy della o djipen.

1. Rajengro liil 6:24

Len his moussya har čirkle. Haki moussi his douy-te-paash metarya bares. Douy moussya bourhles kerdo his khetne panč metarya bourhles yek rigyatar ap i vavar.

1. Rajengro liil 6:31

Oun o voudar an o kouč isema his dran douy kotya dran olivtikro kasht. I pesse kashta, hoy čačes oun serves pash o voudar his, kolen his panč rigya.

1. Rajengro liil 6:32

Ninna an kol douy kotya an o voudar moukas lo shoukar koova dren te činell: bolepangre oun palmtikre rouka oun bloume; oun moukas sonakay koy pral te tserdell.

Debleskri gili 18:10

Oun yob tserdas o bolepen ap i rig, oun vas tele. Kali rat his tel leskre herya.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Jesaja 37:16

“Baro Devel, tou ray pral o bolepen oun i phoub, tou hal o Israeleskro Devel, oun hal pral i bolepangre beshdo. Tou kokres hal o Devel pral i tsele themma ap kay phoub. Tou kral o bolepen oun i phoub.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.