1. Rajengro liil 6:12 - O Debleskro Lab 2024 (Sinte-Manouche)

¹² “Tou te kreh, hoy toutar kamau oun djiveh pal miro čačepen oun rikreh mire tsele laba, palle vell miro lab čačo an tiro djipen, ko lab, hoy me rakrom tiro dadeha, o Davideha,

O Debleskro Drom 2021 (Sinte)

¹² “Tu te kreh, hoi tutar kamau un djiweh pal miro tchatchepen un rikreh mire tsele laba, palle well miro lab tchatcho an tiro djipen, ko lab, hoi me rakrom tiro dadeha, o Davideha,

1. Rajengro liil 6:12 ပူးပေါင်းရင်းမြစ်များ

2. Samuel 7:5

Dja koy oun pen ap miro boudepaskro o David: Yaake penell o baro Devel: “Kameh tou mange i kheer te krell, te djivap koy dren?

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

1. Rajengro liil 6:11

Oun o baro Devel penas ap o Salomo:

1. Rajengro liil 8:25

Kanna, baro Devel, tou Devel pral o Israel, rike ninna tiro vavar lab, hoy tou dal miro dadeske, o Davideske, kay touke koy his. Tou penal, te vell hako tsiro yek dran o Davideskri familya o ray pral o Israel. Kova djal yaake rah, har denn leskre čave garda ap pengre dromma, te djivenn le glan toute yaake, har o David glan toute djivas.

1. Familjakro liil 22:10

Kova te krell mange i kheer. Oun yob mou vell miro čavo, oun me kamau leskro dad te vell. Oun me krau, te vell hako tsiro yek leskre čavendar o ray pral Israel.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

Debleskri gili 132:12

Te rikrenn tire čave ap mande oun mire laba oun krenn, hoy me lenge penau, palle venn ninna lendar bare raya, yaake te vell hako tsiro yek tire čavendar baro ray.

Jeremia 7:5

Moukenn t'maro phouro drom oun t'maro phouro djipen, oun avenn lačo ap hakeneste!

Zakarie 3:7

Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.