1. Rajengro liil 6:1 - O Debleskro Lab 2024 (Sinte-Manouche)

¹ An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

O Debleskro Drom 2021 (Sinte)

¹ An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

1. Rajengro liil 6:1 ပူးပေါင်းရင်းမြစ်များ

1. Rajengro liil 6:2

Oun o kheer, hoy kras o baro ray Salomo o baro Debleske, his triyanda metarya lengsto, oun deesh metarya bourhlo oun deesh-te-panč metarya baro.

1. Rajengro liil 6:37

An o starto bersh, har o Salomo baro ray his, van i telstoune barra o khereske o baro Deblestar čiddo. Kova his an o čon Siv.

1. Familjakro liil 29:19

Oun miro čaveste Salomo de i čačo dji, te rikrell lo tire laba, oun krell, hoy tou lestar kameh, oun djivell pal tiro čačepen; te krell yob ninna lauter, te vell touke kava kheer kerdo, koleske kava tselo koova khetne anom.

1. Familjakro liil 6:10

O Elkana his o dad kol morshendar: o Amasay oun o Ahimot,

2. Familjakro liil 3:3

Oun kava hi o barepen o kherestar, hoy o Salomo o Debleske kras: o kheer his triyanda metarya lengsto, oun deesh metarya bourhlo.

Esra 5:11

Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

Debleskri gili 78:69

Kote pre čivas lo peskro kheer, dour pral djal lo pre – har o bolepen, oun hi zoreles tardo har i phoub, hoy lo kras hako tsireske.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 12:51

Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.

Ezekiel 41:1

Oun ko morsh anas man an koy bari isema o Debleskro kherestar dren. Oun yob dikas pal, har baro i massurya hi, hoy čačes oun serves pash o voudar hi. Yon his triin metarya pesso.

Haggai 1:8

Djan ap i berge oun lenn kasht, oun krenn miro kheer shoukar! Kova hi mange mishto, oun yaake vau sharedo, penell o baro Devel.

Zakarie 6:15

Dran dour themma venna kolla, kay krenn o baro Debleskro kheer. Oun palle dikenn t'mer, kay o baro Devel, ko ray pral o bolepen oun i phoub, kova hi, kay bičras man pash t'mende. Te krenn t'mer kova, hoy t'maro baro Devel t'menge penell, vella kova halauter yaake.

4. Mose 1:1

Oun o baro Devel rakras o Moseha an o moulo tato them Sinay, an o Debleskro plarhteno kheer, ap o ersto dives, an o douyto čon, an o douyto bersh, har yon dran ko them Egiptia vin djan. Oun o baro Devel penas:

Bičepangre 13:19

Palle tradas yob efta natsyone dran ko them Kanaan vin, oun das kava them mare menshende.

Bičepangre 7:47

His gar o David, na-a, kova his leskro čavo, o Salomo, kay kras o Debleske i baro kheer dran barra.

1. Korintarja 6:19

Djinenn t'mer gar, kay han t'mer o kheer, kay o Debleskro Dourho djivella? Kova hi an t'mende oun vell o Deblestar. Oun t'mer han leskre, oun nay krenna bouder gar, hoy kamenna.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Kolossarja 2:7

te vell t'maro patsepen yaake zorelo har i rouk, hoy zoreles an i phoub tardo hi! Ma moukenn ko čačo drom, hoy t'mende siklo vas! Bistrenn vitar gar, te parkrenn t'men boud pash o Debleste!

Hebrearja 11:10

O Abraham dikas ap ko tsiro, kay nay djivell lo an ko foro, hoy o Devel krella, oun hoy hako tsiro ačella.

Hebrearja 9:11

Kanna vas o Yezous Kristo. Yob hi maro baro rashay oun anas men o bolepaskro bravlepen. O Debleskro kheer an o bolepen, kay yob dren djas, hi bareder oun feteder har ko Debleskro kheer ap i phoub. O Debleskro kheer an o bolepen hi gar i menshendar kerdo.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

Čačepangre 11:26

Triin-sheel bersha djivell o Israel kanna an i forya Heshbon oun Aroer oun an kol gaba trouyel oun an i forya pash o pani Arnon. Hoske lan ko them gar mendar krik an ko tselo tsiro?