1. Rajengro liil 5:18 - O Debleskro Lab 2024 (Sinte-Manouche)

¹⁸ Kanna an kava tsiro kras miro baro Devel, te hi man kek kourepen kol thementsa troul mende. Kek kamell pes te kourell mentsa. Men hounte vell kek daar, te djal yek ap mende pre.

O Debleskro Drom 2021 (Sinte)

¹⁸ Kanna an kau tsiro kras miro baro Dewel, te hi man kek kurepen kol thementsa trul mende. Kek kamell pes te kurell mentsa. Men hunte well kek daar, te djal jek ap mende pre.

1. Rajengro liil 5:18 ပူးပေါင်းရင်းမြစ်များ

1. Rajengro liil 5:4

Oun les his penepaske pral i tsele themma, kay hi ap koy rig o panyestar Eufrat, kay o kham tele djal, o forestar Tifsa bis pash o foro Gaza. Yob his o baro ray pral i tsele raya kal themendar. Oun les his kek kourepen kol tsele thementsa, kay troul leste his.

1. Familjakro liil 22:2

Oun o David moukas i vi-themaryen khetne te vell, kay djivenn an o them Israel. Oun yob das len koy boudi, te denn le barra o khereske o baro Deblestar.

Debleskri gili 83:7

Kolla hi i menshe dran o Edom oun dran o Ismael, dran o Moab, dran i Hagar,

Ezekiel 27:9

Dran o foro Gebal van kol boudepangre, kay pengri boudi mishto hayvenn, oun kran, te djal kek pani an o shiffo dren. I tsele shiffe oun kolla, kay ap lende oulerenn, van pash toute, te parenn le pengro koova touha.

Josua 13:5

oun ko tselo them, kay i Gebalarya djivenn, oun kote, kay o kham pre-djal kol tsele berge, kay kharenn Libanon, foun o foro Baal-Gad, hoy tella pash i berga Hermon čiddo hi, bis tele ap o drom, hoy an Lebo-Hamat djal;