1. Rajengro liil 3:28 - O Debleskro Lab 2024 (Sinte-Manouche)

²⁸ Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

O Debleskro Drom 2021 (Sinte)

²⁸ Un an o tselo them Israel shunan le ko tchatcho lab, hoi o baro rai hatsas. Un jon dikan pre ap o baro rajeste, un jon haiwan, kai o goswepen o Deblestar an leste his, te nai dell lo i menshenge lengro tchatchepen.

1. Rajengro liil 3:28 ပူးပေါင်းရင်းမြစ်များ

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

1. Rajengro liil 3:27

Kote penas o baro ray: “Ma marenn les! Denn kolat o ternepen djides, kay penas: Ma mare les! Yoy hi leskri day!”

1. Rajengro liil 4:1

Oun yaake his o Salomo o baro ray pral o tselo Israel.

1. Familjakro liil 29:24

Oun i tsele pralstoune oun zorele kourepangre, ninna o Davideskre vavar čave, čivan pen tel leste.

Esra 7:25

Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!

Debleskri gili 72:2

Kre lestar i čačepaskro ray, kay dell koles o čačepen, kones čačo hi, ninna te hi lo čorvelo.

Debleskri gili 72:4

O baro ray mou rakrell i čorvelenge mishto, oun vell ap i rig kolendar, kay tele rikedo venn, oun stakrell kolen khetne, kay len doukrenna.

2. Mose 14:31

Yaake dikan le, havi bari zoryah o baro Devel i Egiptaryen das. Oun i Israelitarya daran o baro Deblestar, oun patsan, hoy penas yob oun o Mose, koles leskro čačo vast his.

Gosewe laba 16:10

Te rakrell i baro ray, hoy o Devel leske an o mouy čivell, palle rakrell lo o čačepen vin pral i mensheste yaake har čačo hi.

Gosewe laba 24:21

Miro čavo, djib glan o baro Debleskre yaka oun kre, hoy o baro ray toutar kamella! Ma dja kolentsa, kay vavaren ap lende pre anenn!

Gosewe laba 25:2

O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.

Gosewe laba 8:15

Mandar vell i zoor, hoy dau i bare rayenge. Mandar vell, te nay rakrenn i čačepangre raya o čačepen vin.

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Jesaja 28:6

Oun i čačepangre rayende dell lo o čačepen an o dji, te nay rakrenn le čačepah o čačepen vin. Oun kol kourepangren dell lo i zoor, te nay tradenn le i lourden dran vavar themma pale dran o foro vin.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

1. Korintarja 1:24

Mank kolende, kolen o Devel peske vin rodas, hi bibolde oun save, kay kek bibolde hi. Yon te shounenn o lab o Yezous Kristestar, palle dikenn le an leste o Debleskri zoor oun leskro gosvepen.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

Josua 4:14

Oun ap ko dives kras o baro Devel o Yosua bares glan i yaka kol tsele menshendar Israel. Oun an leskro tselo djipen dikan le pre ap leste, yaake har le kova ninna o Moseha kran.

1. Samuel 12:18

Oun o Samuel das ap o baro Debleste gole, oun o baro Devel bičras brishin ko dives, oun moukas o bolepen gole te dell. Koy lan i tsele menshe bari daar glan o baro Debleste oun glan o Samuel.