1. Rajengro liil 3:15 - O Debleskro Lab 2024 (Sinte-Manouche)

¹⁵ Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

O Debleskro Drom 2021 (Sinte)

¹⁵ Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

1. Rajengro liil 3:15 ပူးပေါင်းရင်းမြစ်များ

1. Mose 28:16

Koy djangras o Yakob dran o sopen pre oun penas: “Čačepah, o baro Devel hi ap koy platsa. Oun me djinom kova gar.”

1. Mose 31:54

Oun yob maras i firho o Debleske ap koy berga oun kras i rhapen peskre menshenge. Oun yon rhan oun ačan i rati koy.

1. Mose 40:20

Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

1. Mose 41:7

Oun kol halme, kay gar pesso his, rhan kol efta vavar pre, kay pesso oun pherdo djob his. Oun o baro ray djangras pre oun hayvas, kay yob souni das.

1. Rajengro liil 3:16

An ko tsiro van douy loubya glan o baro rayeste pengro čingepah.

1. Rajengro liil 8:63

Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

1. Familjakro liil 16:3

Oun yob das hako menshes, kay kote hi, morshen oun djouvyen, hakenes, yek maro, yek kotar mass oun yek drakengri merkli.

2. Familjakro liil 7:5

Oun o baro ray Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell. Yaake dan le o kheer o baro Debleste, te vell les leskro kheer. Kova kras o baro ray Salomo khetne i tsele Israelitarya.

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

Jeremia 31:26

Har djangrom oun krom mire yaka pre, hayvom, kay miro sopen shoukar his.

Daniel 5:1

Oun o baro ray Belsazar kras i baro rhapen peskre yek-sero (1.000) bareder morshenge. Khetne lentsa piyas lo mool.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

Markus 6:21

Koy vas i dives, kay hi mishto i Herodiake. O Herodes vas i bersh phoureder oun moukas i baro rhapen te krell. Pash ko rhapen van i pralstoune pral peskro them, ninna i pralstoune lourde. Oun i bravele dran o them Galilea his ninna koy.