1. Rajengro liil 3:13 - O Debleskro Lab 2024 (Sinte-Manouche)

¹³ Koy pashel dau tout, hoy tou gar mandar mangal, bravlepen oun raylepen, yaake te vell kek baro ray har tou an tiro tsiro.

O Debleskro Drom 2021 (Sinte)

¹³ Koi pashel dau tut, hoi tu gar mandar mangal, brawlepen un railepen, jaake te well kek baro rai har tu an tiro tsiro.

1. Rajengro liil 3:13 ပူးပေါင်းရင်းမြစ်များ

1. Rajengro liil 10:14

Oun ko sonakay, hoy vas o Salomeske anlo an yek bersh, his 666 (shob-sheel-shob-deesh-te-shob) centnarya sonakay.

1. Familjakro liil 29:25

Oun i tsele Israelitarya nay dikan, har kras o baro Devel, te vas o Salomo bareder oun bareder. O Salomo vas an-diklo oun sharedo har kek vavar ray pral Israel glan leste.

2. Familjakro liil 9:22

Oun o ray Salomo his bravleder oun gosveder har i tsele vavar bare raya ap kay phoub.

Nehemia 13:26

“Djinenn gar”, penom, “te kras o baro ray Salomo savo koova oun anas doosh ap peste? Oun an boud vavar themma, his kek baro ray har yob his. Oun o Devel kamas les yaake, te kras lo, te vell lo ray pral o tselo them Israel. Ninna les anan peskre romya dran kol vavar themma yaake dour, te anas lo doosh ap peste!

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

Gosewe laba 4:9

Har i rayeskri stadi ap tiro shero hi o gosvepen touke. Ava, har i rayeskri stadi krell lo tout shoukar.

Sikepaskro 6:2

Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

Efesarja 3:20

Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.