1. Rajengro liil 22:39 - O Debleskro Lab 2024 (Sinte-Manouche)

³⁹ Oun ko tselo vavar koova, hoy pral o Ahab penepaske hi, oun halauter, hoy yob kras, kova hi činlo an i familyakro liil o bare rayendar pral Israel. Kote dren hi ninna tardo, har yob peske i kheer kras dran kouč parno dand, oun have forya yob moukas zorleder te krell.

O Debleskro Drom 2021 (Sinte)

³⁹ Un ko tselo wawar koowa, hoi pral o Ahab penepaske hi, un halauter, hoi job kras, kowa hi tchinlo an i familjakro liil o bare rajendar pral Israel. Kote dren hi ninna tardo, har job peske i kheer kras dran kutch parno dand, un hawe forja job mukas sorleder te krell.

1. Rajengro liil 22:39 ပူးပေါင်းရင်းမြစ်များ

1. Rajengro liil 10:18

Oun o baro ray Salomo moukas i bari beshepaskri te krell dran kouč parno dand, oun lačo sonakay his pral tserdedo.

1. Rajengro liil 10:22

Oun o baro rayes his bare shiffe. Kolla djan khetne kol shiffe o rayestar Hiram ap o baro pani. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

1. Rajengro liil 14:19

Ko tselo vavar koova, hoy pral o Yerobeam penepaske hi, leskro kourepen oun har lo baro ray his, kova hi činlo an i familyakro liil i bare rayendar pral o Israel.

1. Rajengro liil 15:23

Oun ko tselo vavar koova, hoy pral o Asa penepaske hi, oun leskri tseli zoor, oun halauter, hoy yob kras, oun i forya, hoy yob zoreles kras, kova hi činlo an i familyakro liil i rayendar pral o them Youda. Har lo phouro his, van leskre pire nasselo.

1. Rajengro liil 15:31

Oun ko vavar koova, hoy pral o Nadab penepaske hi, oun halauter, hoy yob kras, kova hi činlo an i familyakro liil i bare rayendar pral Israel.

1. Rajengro liil 16:20

Oun ko tselo vavar koova, hoy pral o Simri penepaske hi, oun leskro phoukepen, kova hi činlo an i familyakro liil i bare rayendar pral Israel.

1. Rajengro liil 16:27

Oun ko tselo vavar koova, hoy pral o Omri penepaske hi, oun halauter, hoy yob kras, oun leskri zoor, kova hi činlo an i familyakro liil i bare rayendar pral Israel.

1. Rajengro liil 16:5

Oun ko tselo vavar koova, hoy pral o Baasha penepaske hi, oun kova, hoy yob kras oun leskri zoor, kova hi činlo an i familyakro liil i bare rayendar pral Israel.

1. Rajengro liil 22:40

Oun o Ahab meras, oun leskro čavo Ahasya vas o baro ray pal leste.

2. Rajengro liil 1:18

Ko vavar koova, hoy o Ahasya lauter kras, kova hi činlo an i familyakro liil i bare rayendar pral o Israel.

2. Rajengro liil 15:15

Ko tselo vavar koova, hoy pral o Shalloum penepaske hi, oun har lo pes vavarentsa khetne čivas, te denn le o baro rayes moulo, kova hi činlo an i familyakro liil i bare rayendar pral o Israel.

Debleskri gili 45:8

Tou kameh o čačepen, oun nay dikeh gar kolen glan tire yaka, kay o čilačepen krenna. Doleske rodas tout o Devel, tiro Devel, vin oun čoras boud barht pral toute vin, boudeder har pral hako vavar rayeste.

Ezekiel 27:15

I parepangre dran Rodos van pash toute. Oun boud menshe, kay djivan ap panyeskre themma paran touha, oun anan elefantikro dand oun kouč kalo kasht, koleha playsran le.

Ezekiel 27:6

Tire lengste činle kashta his dran cipresstikro kasht, hoy dran o them Kittim lino vas. Dren čiddo an kol kashta his elefantikro dand. Dran o them Bashan vas aichtikro kasht. Kolestar činan le kol kashta, kolentsa o shiffo tserdedo vell.

Amos 3:15

Me dau lengre niyalengre khera khetne, oun ninna lengre vendengre khera. Oun khetne perenn kol khera, hoy shoukar kerdo hi i dandentsa foun i elefante; hako baro kheer vell paash dino, penell o baro Devel.

Amos 6:4

Har djoungeles djal t'menge, kay han kanna čiddo ap čibya shoukar kerde i dandentsa foun i elefante, oun moukenn t'menge koy lačes te djal. T'mer denn t'men o per pherdo o masseha i tikne bakrendar oun terne thoulle groumyendar,