1. Rajengro liil 22:23 - O Debleskro Lab 2024 (Sinte-Manouche)

²³ O Mika penas doureder: “Dikeh, o baro Devel bičras i rhorhepaskro dourho pash tire dikepangre, te rakrenn le rhorhepen. O baro Debles hi an o dji, te moukell lo tout an i bibarht te nashell.”

O Debleskro Drom 2021 (Sinte)

²³ O Micha penas dureder: “Dikeh, o baro Dewel bitchras i chochepaskro ducho pash tire dikepangre, te rakrenn le chochepen. O baro Debles hi an o dji, te mukell lo tut an i bibacht te nashell.”

1. Rajengro liil 22:23 ပူးပေါင်းရင်းမြစ်များ

1. Rajengro liil 20:42

Oun yob penas ap leste: “Kava penell o baro Devel: Tou moukal i morshes te djal, kay me kamom, te hounte merals lo. Doleske lau me tiro djipen leskro djipaske, oun tire menshen leskre menshenge.”

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

1. Rajengro liil 22:24

Kote vas o Sedekya pashel, koleskro dad o Kenaan his, oun das o Mika i čamedini, oun penas: “Hoy rakreh? Patseh, o dourho o baro Deblestar djas peske mandar, oun rakrell kanna kokres touha?”

2. Familjakro liil 25:16

Oun har o Debleskro rakepaskro leha yaake rakras, penas o baro ray ap leste: “Čivom me tout dren, te peness mange, hoy te krap? Rike tiro mouy, te kameh gar dava te lell!” Oun o Debleskro rakepaskro moukas tele oun penas: “Kanna, kay dikau, hoy kral, oun kameh gar te shounell, hoy touke penom, hayvau me, kay hi an o Debleskro dji, te marell lo tout.”

2. Mose 10:20

Ninna kava kopo pandas o baro Devel o Faraeskro dji. Oun yob moukas i Israelitaryen gar te djal.

2. Mose 4:21

Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Jeremia 18:11

Oun kanna Yeremia, pen kol menshenge an Youda oun kolenge, kay djivenn an Yerusalem: Kova penell o baro Devel: Djinenn, man hi an o dji, te dap t'men i phagi, oun kamau bibarht pral t'mende te anell. Doleske djan tele hakeno peskro čilačo dromestar! Oun djivenn i vavar djipen!

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

4. Mose 24:13

Ninna te dell man o Balak peskro kheer pherdo roup oun sonakay, nay čivau me gar o Debleskro lab ap i rig. Me nay rakrau gar lačepen oun čilačepen har me kamau. Hoy o baro Devel rakrella, kova rakrau ninna.

5. Mose 2:30

O Sihon, ko baro ray an Heshbon, kamas men gar vergel leskro themestar te djal. T'maro baro Devel moukas leskro dji har bar te vell, yaake te dikas lo či dren. Yaake das o baro Devel les oun leskro them an t'mare vasta. Oun kova his gomme kava dives yaake.

Čačepangre 9:23

Oun palle bičras o Devel i čilačo dourho mashkral o Abimelek oun i menshende an o foro Sichem. Oun kolla rissran pen lestar tele, oun rikran bouder gar pash leste.