1. Rajengro liil 22:22 - O Debleskro Lab 2024 (Sinte-Manouche)

²² Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

O Debleskro Drom 2021 (Sinte)

²² Un job penas: ‘Me mukau i chochepaskro ducho te well, hoi rakrell dran i muja leskre tsele dikepangren!’ Koi penas o baro Dewel: ‘Tu hunte kress kowa. Tuke djal kowa mishto. Dja win, un kre les jaake!’”

1. Rajengro liil 22:22 ပူးပေါင်းရင်းမြစ်များ

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

1. Rajengro liil 22:20

Oun o baro Devel penas: Koon nay krell, te patsell o Ahab o rhorhepen, oun djal an o kourepen o foreha Ramot an o them Gilead, oun merell kote? Oun ko yek penas yaake, ko vavar penas yaake.

1. Rajengro liil 22:21

Kote djas i bolepaskro dourho glan o baro Debleste oun penas: Me krau, te patsell lo o rhorhepen. Oun o baro Devel poučas: Har kreh kova?

2. Rajengro liil 3:13

O Elisa penas ap o baro ray pral Israel: “Hoy djah tou man an? Dja pash kol Debleskre rakepangre, kolendar tiro dad oun tiri day i lab poučan!” “Na-a”, penas o baro ray pral Israel ap leste, “o baro Devel das men triin rayen kay gole, te dell lo men an kol vasta i menshendar Moab.”

Hiob 1:12

Kote penas o baro Devel ap o beng: “Mishto! Halauter, hoy les hi, dau an tiro vast. Les kokres ma tape an!” Pal kova djas o beng krik o baro Deblestar.

Hiob 12:16

Pash leste hi i zoor oun o čačo gosvepen. Les hi ninna i zoor pral koleste, kay perell o čačo dromestar tele, oun pral koleste, kay anell les o čačo dromestar tele.

Debleskri gili 109:17

Yob kamas o praasepen. Yaake mou vell kova ninna ap leste! Yob kamas gar te rakrell i barht pral yekeste vin. Kanna, mou ačell i barht dour lestar!

Jesaja 19:14

O baro Devel kras, te venn le har mato oun rakrenn savo koova, te djinenn i Egiptarya bouder gar, hoy te krenn. Yaake perenn le yek rigyatar ap i vavar har i mato, kay perell an peskro čadepen.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Zakarie 13:2

O baro Devel, ko ray pral o bolepen oun i phoub, penell: An ko tsiro krau, te mangenn i menshe an o them Youda bouder kek rhorhene deblen an. Oun kolengre laba venn bistedo. Ninna kol rakepangre, kay penenn, te hi le Debleskre rakepangre oun hi kova gar, oun yon rakrenn, hoy i vavar dourho lenge penell, kolen tradau vin dran o them.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

1. Johanni 4:6

Mer ham o Deblestar, oun hakeno, koon o Debles prindjrella, shounell ap mende. Koon hi gar o Deblestar, kova shounell gar ap mende. Doleske djinah mer, kones o Debleskro Dourho hi, kay rakrell o čačepen, oun kones o rhorheno dourho hi.

Debleskro tsiro 17:17

Kova das len o Devel an lengre djia, te krenn yon, hoy yob kamella. Doleske rikrenn le lauter khetne, oun denn pengri zoor ko firheste. Kova djala lauter yaake rah, bis te vas lauter yaake, har o Devel penas.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.

Debleskro tsiro 20:7

Pal kol zero bersh vell o beng dran peskro stilepen vin mouklo.

Čačepangre 9:23

Oun palle bičras o Devel i čilačo dourho mashkral o Abimelek oun i menshende an o foro Sichem. Oun kolla rissran pen lestar tele, oun rikran bouder gar pash leste.

1. Samuel 16:14

Oun o baro Debleskro dourho djas peske o Saulestar. Oun o baro Devel bičras leske i čilačo dourho, hoy kras leske daar.

1. Samuel 18:10

O vavar dives moukas o Devel o čilačo dourhes pral o Sauleste te vell. Oun yob vas divyes an peskro kheer. I harfa an o vast bashras o David o Sauleske, yaake har yob hako dives kras. Oun o Saules his i vitsepaskro čouri an o vast.

1. Samuel 19:9

Oun ko čilačo dourho, bičedo o baro Deblestar, vas pral o Saul, har yob khere beshdo his oun peskro vitsepaskro čouri an o vast rikras. Ninna o David his koy oun bashras ap peskri doryengri bashepaskri.